Aımaqtar • 02 Naýryz, 2021

Almaty oblysynda byltyr 281,2 mlrd teńgege tamaq ónimderi óndirildi

2 ret kórsetildi

Almaty oblysynda aýyl sharýashylyǵy ónimderin qaıta óńdeý salasynda 373 kásiporyn jumys isteıdi. 2020 jyldyń qorytyndysy boıynsha 8 prosent ósimmen barlyǵy 281,2 mlrd.teńgege tamaq ónimderi óndirildi, dep habarlaıdy Egemen.kz 

Munda dándi daqyldy, qant qyzylshasyn, maıly daqyldardy, jemister men kókónisterdi, et pen sútti óndirý jáne tereń óńdeý boıynsha iri ekojúıeler qalyptasýda. Bul týraly búgin Almaty oblysynyń ákimi A.Ǵ. Batalov Úkimet otyrysynda agroónerkásiptik keshendi damytýdyń negizgi baǵyttary jáne ınvestısııalyq jobalardy iske asyrý týraly sóılegen sózinde aıtty.

Oblys basshysynyń aıtýynsha, ósimdik sharýashylyǵynda egis alqaptaryn ártaraptandyrý baǵyty qolǵa alynǵan. О́tken jyly qant qyzylshasy 2 myń gektarǵa (16,1 myń ga), júgeri - 4,5 myń gektarǵa (86,3 myń ga), jem-shóp daqyldary 4,7 myń gektarǵa (250,8 myń ga) ulǵaıtyldy. Sondaı-aq 2025 jylǵa qaraı 30 gektar alańda 12 jobany iske asyrǵanda jylyjaı kókónisterin óndirý 52 myń tonnaǵa deıin ulǵaıtylatyn bolady.

Bul kórsetkish 2020 jyly 35 myń tonnany quraǵan.
Tamaq óndirisindegi iri kásiporyndardyń biri - "Mareven Fýd" JShS. Astyqty tereń óńdeý zaýyty qazirdiń ózinde jaqyn jáne alys 8 elge 65 ónim túrin eksporttaıdy, 2020 jyly besinshi óndiristik jeli iske qosyldy. Onyń qýaty jylyna 55 myń tonna daıyn ónimge deıin jetkizildi.

Sol sııaqty jemis-kókónis ónimderin saqtaý qýatyn arttyrý úshin jalpy qýaty 21 myń tonnalyq eki joba - "Frosko", "Issyk Fýd" jobalary iske asyrylady. Oblys aýmaǵynda nysandardy ornalastyrý boıynsha "Baýman", "Taıson Fýd" jáne basqa da iri halyqaralyq kompanııalarmen tyǵyz jumys júrgizilýde.

О́ńirde on qus fabrıkasy jumys isteıdi. Olarda 2020 jyly 85,1 myń tonna qus eti, 994,8 mln. dana jumyrtqa óndirilgen. Al mal sharýashylyǵynda 2025 jylǵa deıin 22 taýarly sút fermasyn, 30 bordaqylaý alańyn ashý josparlanyp otyr.

Aldaǵy bes jylǵa agroónerkásip kesheniniń ınvestısııalyq portfelinde jalpy somasy 138,4 mlrd. teńgege 136 joba bar, olardy iske asyrý aýyl sharýashylyǵynyń jalpy ónimin 1,3 trln. teńgege deıin jetkizýge múmkindik beredi.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar