«Ashyq» qosymshasynyń artyqshylyǵyn paıdalanǵan alǵashqy kásipkerlerdiń qatarynda Dostyq dańǵyly boıyndaǵy «Qazaqstan» sport kesheniniń dırektory Aıdana Satova bar. Kásipker óz nysany úshin QR-kodty aqpan aıynyń ortasynda aldy. Sport kesheniniń dırektory atap ótkendeı, olardyń 5 myń turaqty klıentteri bar jáne olardyń ekeýi ǵana qosymshaǵa kúmánmen qarady.
- Biz óz klıentterimizben sóılesemiz, olardyń densaýlyǵy biz úshin, eń mańyzdy. Kóptegen adamdar siz basseınge kelýshilerdi qalaı basqarasyz dep ózderi suraıdy. Shynynda da, biz júzgishterdi belgili bir jerde ustaı almaımyz, al «Ashyq» qosymshasynyń arqasynda keshen qyzmetkerleri men kelýshilerdiń ózi qaýipsizdik úshin tynysh bola alady, - deıdi Aıdana Ernurqyzy.
Kásipkerdiń aıtýynsha, aqparatty halyqqa durys jetkize bilý óte mańyzdy.
- Men fıtnes operatorlary qaýymdastyǵynyń ókilderimen sóılestim, kópshiligi qosymshanyń tujyrymdamasyn túsinip, onyń artyqshylyqtaryn baǵalady. Osynyń arqasynda olar óz klıentterine ony paıdalaný qajettiligi týraly tynysh sóılese alady. Biz klıentterdi qosymshany júkteýge májbúrlemeımiz. Kóbisi muny óz erkimen jasady, qalǵandary kelip, ózderiniń JSN - in kesheniń ákimshsine aıtady, ol boıynsha statýsy júzege asyrylady, - deıdi Aıdana Satova.
Bul rette klıentter ózderiniń derbes derekteri úshin alańsyz bola alady. Olardyń JSN eshqaıda berilmeıdi, tek kelýshiniń statýsyn tekserý úshin qajet.
Almatynyń Bas sanıtarııalyq dárigeri Jandarbek Bekshın qosymshanyń jumys isteıtinine ózi kóz jetkizdi. Ol tekserýge birneshe sekýnd ýaqyt ketetinin atap ótti. Smartfondy QR-kodqa júktelgen qosymshamen alyp, skanerleý jáne kirý jetkilikti.
- Ekranda statýstyń kúıleri kórsetiledi (kók, jasyl, qyzyl nemese sary). Shyǵý kezinde- shyǵýdy bekitý úshin QR kodyn skanerleý kerek. Sonymen qatar, bul qosymsha mekemeniń jumys rejımin baqylaý úshin yńǵaıly. Qosymsha mekemedegi bir mezgilde kelýshilerdiń sanyn jáne onyń jumys saǵattaryn taldaýǵa (ıesizdendirýge) múmkindik beredi. Osylaısha, monıtorıngtik tekserýler júrgizý qajettiligi azaıady, - deıdi Jandarbek Muhtaruly.
Esterińizge sala keteıik, «Ashyq» pılottyq jobasy Almaty, Nur-sultan jáne Qaraǵandy qalalarynda júzege asyrylýda. Ázirleýshilerdiń aıtýynsha, qosymshany 15 648 adam júktegen.
Respýblıka boıynsha obektilerge 99 QR-kod berildi. Onyń 27-si Almatyda.
