JARYQ PEN JYLÝ “ShAShQANDARǴA” MARAPAT

Elordada ótken jyldyń 8 qazanynda bastalǵan jylý maýsymy áli jalǵasýda. Aıaqtalý merzimi aldaǵy aýa temperatýrasy rejimine baılanysty jaqyn úsh kúnde belgili bolady. Jylý 3 táýlik ishinde astanalyqtardyń úıinde ortasha táýliktik temperatýra Selsıı boıynsha 10 gradýs jylylyqty kórsetip turatyn jaǵdaıda toqtatylady. Bul týraly Astana qalasy ákimi Imanǵalı Tasmaǵambetovtiń tóraǵalyǵymen ótken kommýnaldyq qyzmetterdiń kúzgi-qysqy kezeńdegi jumystaryn qorytyndylaýǵa arnalǵan keńeste  málim boldy. Elbasy N.Nazarbaev 2 sáýirde ótken Astana qalasynyń Sáýlet keńesi májilisinde bıylǵy qysta oryn alǵan uzaq ýaqyt boıǵy óte tómengi temperatýraǵa qaramastan, astanalyqtardyń úıinde úzdiksiz jylý men elektr energııasynyń berilýin qamtamasyz etken Astana qalalyq energııa taratý mekemeleri jumysyn erekshe atap kórsetken bolatyn. Osyǵan oraı Prezıdent elordanyń energetıkalyq keshen mekemeleriniń aıryqsha eńbek etken qyzmetkerleriniń eńbegin baǵalaý týraly tapsyrma bergen-di. Osy tapsyrmaǵa sáıkes Astana qalasy ákimi I.Tasmaǵambetov 5 VAZ-2107 avtomáshınesiniń kilt­te­rin “Astana-Energııa” AQ bas dı­rektorynyń orynbasary, JEO-1 jumysyna basshylyq etetin Iýrıı Ýtıýjnıkovke, “Qalalyq elektr je­lileri” AQ jóndeý jáne kabeldi je­lilerdi montajdaý elektromon­te­ri Serik Taýtekov pen EBJ qyz­me­ti­niń aǵa sheberi  Vladımır Vını­chen­koǵa, “Astana-Teplotranzıt” AQ jóndeý jáne tutynýshylar ese­bi qyzmetiniń bastyǵy Raýza Káke­novaǵa, “Astanastroıenergo” JShS jóndeý jumystaryna daıyndyq bó­liminiń bastyǵy Ryskeldi Búrkit­baev­qa tabys etti. Sonymen qatar, “Astana-Energııa” AQ-tyń taǵy 6 qyzmetkeri – Lıýdmıla Nıkıtına, Baı­bolsyn Rysbaev, Oleg Zotov, Aleksandr  Drapıkovskıı, Sergeı Slakaeev jáne Oleg Garmonshıkov jańa páterlerge ıe boldy. О́tken jyly jylý maýsymyna daıyndyq jáne ony ótkizý maqsatynda qala­lyq shtab qurylyp, ony Astana qa­lasy ákiminiń orynbasary Vasılıı Krylov basqarǵan bolatyn. Búgingi tańda qalanyń barlyq kom­­mýnaldyq qyzmetteri men ener­ge­tıkalyq keshen mekemeleri kelesi jyl­ǵy jylý maýsymyna daıyndyq aıa­synda jóndeý júrgizý baǵdar­la­ma­syn bekitip, iske asyrýdy bastap ta ketti. Ábdirahman QYDYRBEK.