Ońtústik Qazaqstan oblysynyń ortalyǵy – Shymkent qalasynda aýzymen sýret salatyn qylqalam sheberi turady. Bul týraly «Jetinshi» telearna habarlady.
Shymkent qalasynyń 31 jastaǵy turǵyny Anatolıı Baýer sal aýrýyna shaldyqqaly óziniń jan dúnıesin sýret arqyly túsindirgisi keldi. Onyń 27 jyl burynǵy eń alǵashqy týyndysy óziniń emdeýshi dárigerine arnalypty.
«Men alǵash ret ózimniń dárigerimdi sýrettedim. Árıne, 4 jastaǵy týyndym óz jasyma saı boldy. Degenmen, dárigerim ózin birden tanyp, meniń sýretime joǵary baǵa berdi. Aıaq-qolym saldanyp qalsa da, men ózimniń ónerimdi aýzym arqyly pash ete alamyn. Qalamdy tistep, osy kúnge deıin ár túrli týyndylardy saldym», - deıdi A. Baýer.
Sýretshiniń qabiletine tánti bolǵandar, arnaıy tapsyrys beredi eken. Qamkóńil jannyń eńbegin eleýsiz qaldyrǵysy kelmegender, oǵan aqsha ustatatyn kórinedi. Osyǵan deıin Anatolıı 5 ret kórmege qatysypty.
«Ulymnyń osyndaı daryn ıesi bolǵanyna óz basym óte qýanyshtymyn. Oǵan men únemi kómektesemin. Qajetiniń barlyǵyn qamtamasyz etip otyrmyn. Onyń týyndylaryn birge talqylaımyz. Kóbine jańadan salynǵan sýretke alǵashqy bolyp, ózim baǵa beremin», - deıdi sýretshiniń anasy Lıdııa Baýer.
Baqytbek Keneshuly.
Derekkóz: «Jetinshi» telearna
Foto: Subscribe. ru
