Bul kezeńde vaksına almaǵan medısına qyzmetkerlerine, muǵalimderge jáne juqtyrý qaýpi neǵurlym joǵary jumys oryndarynyń qyzmetkerlerine salynady.
«Budan buryn ekpe saldyrǵyndar arasynda densaýlyǵyna shaǵymdanǵan azamattar bolǵan joq. Al 4 naýryzdan ekpeniń ekinshi kezeńin bastamaqpyz. Alǵashqy kezeńde vaksınasııalaý tek qaladaǵy №1, 3, 6 emhanalarda júrgizilgen edi. Endi ekinshi kezeńnen ol aýdandarda jalǵasady. Bul rette egý naýqanyn sapaly ótkizý úshin aýdandaǵy medısına qyzmetkerleri de daıyndyq kýrsynan ótip, oqytyldy», dedi oblystyq densaýlyq saqtaý basqarmasynyń basshysy Sábıt Pazılov.
Aıta keteıik, vaksına aýdandarǵa temperatýralyq rejımdi qadaǵalaıtyn arnaıy mashınamen jetkiziledi.
Osy baǵytta alǵashqy medısınalyq-sanıtarlyq kómek mekemelerinde 14 egý kabıneti daıyndalǵan.
«Qazir halyqtyń vaksınasııalaýdyń qaýipsiz ekenine kózi jetti dep oılaımyn. Bir jaǵynan asqyný, aýrý belgileri 1-shi, 2-shi kompanentterde de baıqalmady. Vaksına kele salasymen barlyq talaptarǵa sáıkes muzdatqyshtarǵa ornalastyryldy. Qazirgi tańda qoımadan qajetti vaksına oblys ortalyǵyndaǵy emhanalar men aýdandarǵa tasymaldanýda. Bul rette tıisti sala mamandarymen komıssııa quryldy. Iаǵnı, vaksınany aýdandarǵa jibergende, doza eshqandaı buzylýsyz jetse, qurylǵan komıssııa músheleri qabyldap alatyn bolady», dedi oblystyq sanıtarııalyq-epıdemııalyq baqylaý departamenti basshysy mindetin atqarýshy Álııa Ábdiqaıymova.
Eske sala ketelik, budan buryn Qyzylordada 505 adam koronavırýsqa qarsy ekinshi márte vaksına saldyrdy.
