Qazaqstan • 04 Naýryz, 2021

Nazarbaev ortalyǵy men О́zbekstannyń Islam órkenıeti ortalyǵy yntymaqtastyq memorandýmyna qol qoıdy

23 ret kórsetildi

2021 jyldyń 3 naýryzynda Tashkentte Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń Basqarma Tóraǵasy Bolat Sársenbaev pen О́zbekstan Respýblıkasy Mınıstrler Kabıneti janyndaǵy Islam órkenıeti ortalyǵynyń dırektory Shoazım Mınovarov ózara yntymaqtastyq týraly memorandýmǵa qol qoıyldy, dep habarlaıdy Egemen.kz.

Memorandýmnyń maqsaty órkenıetaralyq jáne konfessııaaralyq dıalog salasyndaǵy ortaq jobalardy júzege asyrý, toleranttylyq pen kelisim qaǵıdattaryn damytý bolyp tabylady.

Taraptar dinaralyq dıalogty damytýdaǵy ózara tájirıbe almasý, sondaı-aq eki memleket aýmaǵynda osy baǵyttaǵy kezdesýler, is-sharalar, forýmdar men sammıtter uıymdastyrý máselesi boıynsha kelisimge keldi.

Eki tarap ta álemniń turaqty damýynyń irgeli sharty ártúrli konfessııalar, etnostar men mádenıetter arasyndaǵy dıalog, syılastyq pen dostyq ekenin alǵa tartty.

N.Nazarbaev Ortalyǵynyń Basqarma Tóraǵasy Bolat Sársenbaev dinı jáne ǵylymı sarapshylar qaýymdastyǵynyń túrli konfessııalyq qatynastary salasyndaǵy irgeli, qoldanbaly, zertteý jobalaryn damytýdaǵy róliniń ósip kele jatqandyǵyn, dinder arasyndaǵy toleranttylyqty nyǵaıtý, sondaı-aq eki baýyrlas el arasyndaǵy yntymaqtastyqty keńeıtý boıynsha tájirıbe almasýdyń mańyzdylyǵyn atap ótti.

Sonymen qatar, Bolat Sársenbaev 2022 jyly ótetin Álemdik jáne dástúrli dinder kóshbasshylarynyń Sezi men  2021 jyly ótetin  XIX Hatshylyqqa Qazaqstan Respýblıkasy Parlamenti Senatynyń Tóraǵasy - Álemdik jáne dástúrli dinder lıderleri Sezi Hatshylyǵynyń Basshysy Máýlen Áshimbaevtyń basshylyǵymen, Qazaqstan Respýblıkasy Aqparattyq jáne qoǵamdyq damý mınıstrligi, Qazaqstan Respýblıkasynyń Syrtqy ister mınıstrligi qoldaýymen daıyndyq bastalǵanyna erekshe nazar aýdardy.

«О́zderińiz biletindeı, О́zbekstan – bizdiń memleketimizdiń mańyzdy seriktesteriniń biri ǵana emes, bizge dos, baýyrlas memleket.  Qazaqstan rýhanı bilim berý, dinaralyq dıalogty ilgeriletý, eki el arasyndaǵy tájirıbe almasý salasyndaǵy tereń yntymaqtastyqqa erekshe mán beredi. Osy oraıda, Qazaqstan Respýblıkasynyń Prezıdenti Qasym-Jomart Toqaevtyń konfessııalar men órkenıetter arasyndaǵy dıalogty qamtamasyz etýdegi, halyqtar arasyndaǵy beıbitshilik pen kelisimniń tıimdi strategııasyn ázirleýdegi rólin atap ótý mańyzdy. Sondaı-aq, Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaevtyń bastamasymen ótetin Álemdik jáne dástúrli dinder lıderleri Sezin jan-jaqty qoldaǵany úshin rızamyz. Osy jyldar ishinde Sezd jumysy - ártúrli konfessııa ókilderiniń ózekti máselelerin sheshýge baǵyttalǵan tıimdi quralǵa aınalyp úlgerdi. О́zge elder men órkenıetter arasyndaǵy yntymaqtastyqty damytýdaǵy jemisti jumysynyń arqasynda Álemdik jáne dástúrli dinder lıderleriniń Sezi shynymen de Qazaqstannyń tanymal sımvoly mártebesine ıe boldy.

Álemdik jáne dástúrli dinder lıderleri Seziniń ıdeıalaryn ilgeriletý jáne ony dıalogtyń jańa deńgeıine shyǵarý jumystaryn birlesip jalǵastyrý mańyzdy dep sanaımyn. Tek yntymaqtastyq, baýyrmaldyq qasıetteri ǵana  bizge búkil álemdik qoǵamdastyqtyń ál-aýqatyn jaqsartý men ortaq maqsattarǵa jetýge múmkindik beredi», - dedi N.Nazarbaev ortalyǵynyń Basqarma Tóraǵasy.

Bolat Sársenbaev О́zbekstanǵa jumys sapary barysynda О́zbekstan musylmandary basqarmasynyń tóraǵasy, múftı Ý.Alımovpen, О́zbekstan Respýblıkasy Syrtqy ister mınıstriniń birinshi orynbasary F.Arzıevpen, Palestına Memleketiniń О́zbekstan Respýblıkasyndaǵy Tótenshe jáne О́kiletti Elshisi Mohammad Tarshahanımen kezdesti.

Aıta ketý kerek, ózbek tarapynyń bastamasymen kezdesýler jergilikti buqaralyq aqparat quraldarynda, aqparattyq agenttikterdiń resmı ınternet-resýrstary men respýblıkalyq telearnalardyń efırinde keńinen jarııalandy. Atap aıtqanda, Bolat Sársenbaev jetekshi «О́zbekstan 24» telearnasyna, «Muslim.uz», «Batafsil.uz», «Uza.uz» jańalyq portaldaryna jáne basqa da BAQ-qa suhbat berdi.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar