Aımaqtar • 05 Naýryz, 2021

Shymkentte tozyǵy jetken úıler súriledi

45 ret kórsetildi

Shymkent qalasynyń aýmaǵynda qazir 45 turǵyn úıdiń ábden tozyǵy jetken. Ondaǵy páterler sany - 470. Ilgerisi sonaý 1934 jyly soǵylǵan. Eski úılerdiń aralarynda ishki ınjenerlik jelilerdiń isten shyǵýy da jıi kezdesedi.

О́zekti máseleni sheshý joldary búgin Shymkent qalasy ákiminiń orynbasary Erǵalı Bilisbekovtiń tóraǵalyǵymen ótken májilis barysynda qaraldy. Tozyǵy jetken úılerdiń 18–i T.Álimqulov kóshesi boıyndaǵy 2 qabatty úıler. Májilis barysynda 50-60 jyldary soǵylǵan úılerdi súrip, jańasyn soǵý jaıy qarastyryldy.

-Tozyǵy jetken úılerdiń jyrtyǵyn jamap, kúrdeli jóndeý jumystaryn júrgizý arqyly máseleni túbegeıli sheshe almaımyz. Durysy olardy súrip, ornyna jańa turǵyn úılerdi soǵýymyz qajet. Nátıjesinde shahardyń sáýletine de sán keledi. Iske kirispes buryn ár turǵynnyń pikirin jeke tyńdap, qalaýymen sanasatyn bolamyz. Qurylys kezinde ýaqytsha baspanamen qamtamasyz etiledi nemese ornyna teń páter qarastyrylady, -dedi qala ákiminiń orynbasary Erǵalı Dáýletbekuly.

41758

Jıynda atap kórsetilgenindeı, tozyǵy jetken úılerdi renovasııalaý maqsatynda bekitilgen mehanızmder arqyly is-sharalardy júrgizý uıymdastyrylatyn bolady. Qazirgi tańda, «Shymkent» ÁKK» AQ tarapynan bul iske ınvestorlardy tartý jumystary júrgizilýde.

Sondaı-aq, bıyl «Nurly jer» memlekettik baǵdarlamasy boıynsha respýblıkalyq bıýdjet esebinen qalada 35 kóppáterli turǵyn úıge kúrdeli jóndeý jumystaryn júrgizý josparlanǵan. Shymkent qalalyq turǵyn úı basqarmasynyń basym baǵyttarynyń biri - turǵyn úı qoryn jańǵyrtý aıasynda kommýnaldyq menshiktegi 29 kópqabatty turǵyn úıge de aǵymdaǵy nemese kúrdeli jóndeý jumystaryn júrgizý kózdelip otyr.

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar