Serıal Halyq jazýshysy Ázilhan Nurshaıyqovtyń áıgili romanynyń jelisi boıynsha túsirilgen. Qalyń oqyrmannyń tumaryndaı bolǵan shyǵarma kórermenge televızııalyq kórkem fılm retinde jol tartpaq. Telehıkaıa oqıǵasy maıdannan aman oralǵan ardager jazýshynyń beıbit ómirdegi tynys-tirshiliginen bastaý alady. Bas keıipker Erbol obrazy arqyly qazaq jaýyngerleriniń erligi men shynaıy mahabbat sezimi baıandalady. Telehıkaıanyń prodıýseri – Ernar Malıkov.
«20 bólimdi týyndyǵa akterlerdi tańdaý jaz aılarynda tolyqtaı onlaın kastıng arqyly júrgizildi. Úmitkerlerden 7300-den astam foto, beıneótinish kelip tústi. Kastıng barysynda halyqtyń daýsymen qatar, úmitkerlerdiń akterlik sheberligi de erekshe nazarǵa alyndy. Akterlerlik quramdy onlaın tańdaý, halyqtyq sıpat alǵan shyǵarmany kıno tilinde sóıletý – Ulttyq arna úshin úlken jaýapkershilik jáne tyń tájirıbe boldy», dep habarlaıdy «Qazaqstan» teleradıokorporasııasynyń Baspasóz qyzmeti.
Basty keıipkerler Erbol men Meńtaıdyń rólin jas akter Ermek Turǵanbek pen Narqyz Aıdarova somdady. N.Aıdarova qazirgi tańda T.Júrgenov atyndaǵy О́ner akademııasynyń 4 kýrs stýdenti. Buǵan deıin Ulttyq arnanyń «Kúı-ǵumyr», «Ǵazız júrek», «О́mir-ózen» telehıkaıalarynda negizgi rólderdi somdaǵan. Ermek Turǵanbek T.Júrgenov atyndaǵy О́ner akademııasyn akter, teledıktor mamandyǵy boıynsha támamdaǵan. «Qazaqstan» telearnasynyń «Aýyldastar» telehıkaıasynda oınady.
«Mahabbat, qyzyq mol jyldar» telehıkaıasynyń saýndtregi Ázilhan Nurshaıyqovtyń «Qyzyl kórpe» óleńine jazylǵan. Kópshilikke Álı Oqapovtyń oryndaýynda jol tartty. https://www.youtube.
