Ujymdyq qaýipsizdik týraly shart uıymynyń Bas hatshysy Memleket basshysyn uıymnyń qazirgi jaǵdaıy men damý bolashaǵy týraly habardar etti. Kezdesý barysynda halyqaralyq uıym qyzmetiniń negizgi baǵyttary boıynsha aýqymdy máseleler qaraldy.
Stanıslav Zas UQShU Bas hatshysynyń bitimgershilik máseleleri jónindegi arnaıy ókili ınstıtýtyn qurý týraly Qazaqstan Prezıdentiniń bastamasyn iske asyrý boıynsha uıym hatshylyǵy júrgizip jatqan jumys týraly baıandady.
Qasym-Jomart Toqaev uıymnyń aldaǵy damýyna baılanysty birqatar usynystar aıtyp, Qazaqstan tarapynyń UQShU sheńberinde saıası yntymaqtastyqty odan ári nyǵaıtýǵa jáne onyń áleýetin arttyrýǵa daıyn ekenin atap ótti.
