Araldarda lokdaýn jarııalanǵandyqtan, áýejaılar halyqaralyq reısterdi qabyldamaıdy. Biraq Mavrıkııden ushýǵa bolady. Mundaı sharalar pandemııa kezinde ekinshi ret qabyldanyp otyr. Qazir arhıpelagta koronavırýstyq juqtyryp, aýyryp qalǵan 15 adam bar.
«Biz vırýstyń odan ári taralý qaýpi joq ekenine kóz jetkizý úshin ulttyq lokdaýn engizýdi sheshtik. Mavrıkıı qonaqtardy taǵy qarsy alýdy asyǵa kútedi jáne endi olar bizdiń jerimizde qaýipsiz ári senimdi ekenin biletin bolady», dedi Týrızmdi damytý basqarmasynyń tóraǵasy Nılen Venkadasmı.
Sheteldikter qatań karantındik rejim engizilgenge deıin Mavrıkııge kele alatyn. Olar PTR-testtiń teris nátıjesin jáne qonaqúıden oryn alǵanyn rastaý kerek edi.
Aıta keteık, qańtar aıynda jergilikti bılik vaksına saldyrǵan týrıster úshin eki aptalyq karantındi alyp tastaýǵa jáne olardyń elge erkin kirýin qamtamasyz etýge daıyn ekenin málimdedi.
