«Tbılısıde osyndaı 10 vaksınasııa ortalyǵy bolady, Kýtaısı men Batýmıde tórteý, Rýstavı men Zýgdıdıde ekeý, al basqa aýdan ortalyqtarynda bireýden. 17 naýryzda taǵy 35 mekeme, al 19 naýryzda taǵy 23 mekeme qosylady. Osylaısha, bir aptadan keıin vaksınasııa prosesi eldiń barlyq mýnısıpaldyq ortalyqtaryna taralady», dedi Amıran Gamkrelıdze.
Tbılısıge 13 naýryzda COVID-19 vaksınasynyń birinshi partııasynyń 43,2 myń dozasy jetkizildi. Elde eń aldymen sońǵy 120 kúnde koronavırýspen aýyrmaǵan medısınalyq qyzmetkerleri vaksınasııadan ótedi.
Aldyn ala málimetter boıynsha, bul elde olardyń sany – 54 myń. AstraZeneca vaksınasynyń Grýzııaǵa kelesi jetkizilimi (86,4 myń doza) sáýir aıyna josparlanyp otyr.
