«Karantın talaptaryn jıi buzatyndar jáne memlekettiń qaýlylary men ótinimderin qasaqana buzatyn adamdardy, eger ol bıznes sýbektisi bolsa, onda kelýshiler men óz qyzmetkeleri úshin jaýap beredi», dedi R. Gasanov.
Osy oraıda ol kásipkerler men qala turǵyndaryna óz densaýlyǵyna jaýapkershilikpen qarap, aınalasyndaǵylarǵa qamqor bolýǵa shaqyrdy.
«Siz bilesiz, qazir kúrt ósý beleń aldy, Almaty boıynsha tek búginniń ózinde 360 adam KVI juqtyrǵan. Biz qyzyl aımaqta turmyz. Eger barlyq sanıtarlyq-epıdemııalyq talaptardy saqtamaıtyn adamdardyń jaýapsyz áreketteri jalǵasa berse, jaǵdaı odan saıyn kúrdelene túsedi. Men barlyq kásipkerdi karantın talaptaryn saqtaýǵa shaqyramyn. Saýda ortalyqtarynan, bazarlardan jaýapkershilikti talap etemin, óıtkeni eger jaýapkershilik bolmasa, onda qala byltyrǵydaı múldem jabylady. Sondyqtan buǵan jol bermeý úshin barlyǵymyz sanıtarlyq erejelerdi qatań saqtaýymyz kerek», dedi ol.
Sońǵy 7 kúnde aýrý deńgeıi 61,2 qurady, reprodýktıvti sany R – 1,3. О́tken táýlikte KVI-men 360 jaǵdaı tirkeldi.
Almatylyqtardy týystary men jaqyndarynyń ómiri men densaýlyqtaryn saqtap qalý úshin adamdar shoǵyrlanatyn sharalardan aýlaq bolýǵa, múmkindiginshe qoǵamdyq oryndardan bas tartýǵa, sanıtarlyq normalardyń saqtalýyn kúsheıtýge shaqyrady.
Eske sala keteıik, pandemııanyń barlyq kezeńinde 4188 tekserý is-sharalary júrgizildi, 22 400 obektiler qamtyldy, karantındik sharalardy buzǵan 4994 obektiler anyqtaldy. 2020-2021 jyldarǵa arnalǵan tekserý sharalary boıynsha zańdy tulǵalarǵa (kásipkerlik nysandarǵa) qatysty 191,3 mln teńge 566 hattama jasaldy. Karantındik erejelerdi buzǵany úshin 40 nysan óz qyzmetin toqtatty (100 AEK aıyppulmen).
