Osy oraıda Jandarbek Bekshın karantındik shekteý sharalaryn jalǵastyrý kerektigin jetkizdi.
«Búginde bizde 3400 tósek-oryn bar, olardyń júktemesi 40 paıyzdan aspaıdy. Sonymen qatar, 7 myń rezerv tósek bar, biraq rezervter de taýsylýy múmkin. Aýrýhanaǵa táýligine 5000 adam jatqyzylsa, onda bir ınkýbasııalyq kezeń ishinde barlyq tósek-oryndardy tolyǵymen alamyz. Buǵan jol berýge bolmaıdy. Eger kúnine 300 naýqas jatqyzylsa da, qala lokdaýnǵa jabylady. Ýaqtyly sharalar qabyldamasaq, onda, árıne, barlyǵyn tolyǵymen jaýyp, toqtatýǵa týra keledi. Bizdiń mindetimiz - buǵan jol bermeý», dedi ol.
Eske salaıyq, 10 naýryzda Almaty «qyzyl» aımaqqa endi. Karantın rejımi qalada 13 naýryzdan bastap kúsheıtildi. Almaty qalasynyń bas memlekettik sanıtarlyq dárigeri Jandarbek Bekshın megapolıs mektepterinde synyptaǵy oqýshylar sany 25-ten aspaıtynyn aıtqan edi.
Budan bólek, ótken demalys kúnderi, ıaǵnı 13 jáne 14 naýryzda, qalada qoǵamdyq kóliktiń jumysy toqtatyldy.
