QR Sybaılas jemqorlyqqa qarsy is-qımyl agenttiginiń Almaty qalasy boıynsha departamenti basshysynyń orynbasary Talǵat Bashevtyń aıtýynsha, para aldy degen kúdikke ilingen E.M. Ádilovke qatysty sotqa deıingi tergeý bıylǵy jyldyń 16 aqpanynda bastaldy.
- QR Qylmystyq kodeksiniń 366-baby, 2-bóligimen is qozǵaldy. Qazirgi ýaqytta istiń mán-jaıyn anyqtaýǵa baǵyttalǵan tergeý áreketteri júrgizilýde. Tergeý múddelerine qatysty basqa aqparat jarııa etýge jatpaıdy, dedi ol.
Erlan Ádilov 2020 jyldyń maýsym aıynda Almaty qalalyq Mobıldik basqarmasynyń bastyǵy bolyp taǵaıyndalǵan edi. Erlan Ádilov 1976 jyly týǵan. M. Tynyshpaev atyndaǵy Qazaq kólik jáne kommýnıkasııa akademııasyn bitirgen. Kólik jáne quqyqtaný salalary boıynsha eki joǵary bilimi bar. Kólik salasyndaǵy qyzmeti Almatydaǵy «№4 avtobýs parki» JShS tehnıka qaýipsizdiginiń ınjenerinen bastaldy. Memlekettik qyzmetke 2007 jyly keldi. 2008 jyldan bastap Almaty qalasynyń jolaýshylar kóligi jáne avtomobıl joldary basqarmasynda kólik bóliminiń mamany boldy. Atalǵan basqarmada jumys atqarǵan jyldary memleketik qyzmettiń barlyq satylarynan ótti.
