Qosylý nátıjesinde Jusan Bank aktıvter men kapıtal kólemi boıynsha Qazaqstannyń eń iri bankteriniń úshtigine kiredi. Osylaısha, birigý aıaqtalǵannan keıin Jusan Bank aktıvteriniń kólemi shamamen 3 trln teńgeni quraıdy.
«Biz qarjylyq pozısııalary berik jáne sıfrlyq servısteri asa yńǵaıly senimdi ári zamanaýı bank quryp jatyrmyz. Klıenttik bazalardy biriktirýdiń jáne aldyńǵy qatarly zamanaýı tehnologııalardy engizýdiń arqasynda biz birikkennen keıin 10%-dan kóp quraıtyn naryqtaǵy óz úlesimizdiń odan ári qarqyndy ósetinine senimdimiz», dep atap ótti Jusan Bank Dırektorlar keńesiniń tóraǵasy Shıgeo Katsý.
Jusan Bank búkil elimiz boıynsha 1,1 myń birlikten asatyn eń iri bankomattar jelisin jáne 180-nen astam bólimshelerdi qamtıtyn bolady. ATFBanktiń Jusan Bank-ke qosylý úderisin aǵymdaǵy jyldyń sońyna deıin aıaqtaý josparlanyp otyr.
«Biz jeke tulǵa klıentter, sondaı-aq shaǵyn jáne orta bıznes úshin banktik ónimderdi damytýdamyz. Barlyq klıentterge kredıt berý, taýarlardy bólip tóleýmen satyp alý, sondaı-aq qarajat jınaý jáne óz jınaq qarajatyn ınvestısııalaý boıynsha biregeı ónimder usynylatyn bolady. Bizdiń servısimizdiń ereksheligi – barlyq ónimderdi mobıldi jáne ınternet arnalary arqyly onlaın alý. Biz ATFBanktiń barlyq klıentterine «qosh keldińizder» degimiz keledi jáne olar Jusan sıfrlyq ekojúıesiniń barlyq artyqshylyqtaryna óziniń joǵary baǵasyn beredi degen senimdemiz», dep bólisti Jusan Bank basqarma tóraǵasy Aıbek Qaıyp.
ATFBanktiń Jusan Bank-ke qosylýyna ruqsat alý týraly barlyq tıisti qujattar zańnamada belgilengen merzimde Qazaqstan Respýblıkasy qarjy naryqtaryn retteý jáne damytý agenttigine jiberiletin bolady.
«Biz aldaǵy birigý prosessteriniń árbir klıentimiz úshin barynsha jaıly ótýi úshin bar kúshimizdi salamyz. Eki banktiń birigýi barysynda ATFBanktiń barlyq bólimsheleri men servısteri Jusan Bank-ke qyzmet kórsetýge tolyq kóshkenge deıin qalypty rejımde jumysyn jalǵastyratyn bolady», dep atap ótti ATFBank basqarma tóraǵasy Galııa Mahanova.
