«2020 jylǵy qyrkúıekte ekologııa mınıstrligi men Pavlodar oblysynyń ákimdigi óńirdiń ekologııalyq problemalaryn sheshý boıynsha Jol kartasyn bekitti. Ondaǵy emıssııany tómendetý, kógaldandyrý jáne qaldyqtardy qaıta óńdeý bóliginde ekologııalyq problemalardy sheshý boıynsha naqty is-sharalar kózdelgen. Mınıstrlik Jol kartasynyń oryndalýyna erekshe kóńil bóledi. 2020 jylǵy qujatta Pavlodar qalasynda jyl saıyn 2 gektar ósimmen kógaldandyrýǵa jer telimderin bólý qarastyrylǵan», dedi Ekologııa mınıstrligi basshysynyń orynbasary.
Ahmetjan Pirimqulov ERG kompanııasyn aǵashtardyń úlken kólemin otyrǵyzý arqyly óńirdiń jasyl qoryn ulǵaıtýǵa shaqyrdy.
«О́tken aptada mınıstrlikte jınalys ótkizdik, onda ERG kompanııasy men oblystyń basqa da kásiporyndary aǵashtardyń úlken kólemin otyrǵyzýǵa daıyn ekendikterin bildirdi, tek jer telimderiniń joqtyǵy týraly másele týyndady», dep atap ótti ekologııa vıse-mınıstri.
Ol oblys basshylyǵyna kompanııa basshylyǵymen kezdesý ótkizip, aǵash otyrǵyzatyn jer telimderin anyqtaýdy usyndy.
Vıse-mınıstr kótergen taǵy bir mańyzdy másele – avtojoldar qurylysy kezinde kúl men shlak qaldyqtaryn paıdalaný.
«Elektr energııasyn óndirý nátıjesinde «Ekibastuz GRES-1» JShS-de jyl saıyn 4,5 mln.tonnaǵa deıin kúl-shlak qaldyqtary shyǵarylady. Jalpy, kúl úıindisine 166 mln. tonnadan astam kúl-shlaktar kómilgen. 2020 jyly Ekibastuz GRES-1-niń kúl-shlak qaldyqtary avtojoldar qurylysyna tartylmaǵan. Oblys ákimdigine osy qaldyqtardy oblystyq mańyzy bar joldardy salý úshin neǵurlym belsendi tartý qajet. Budan basqa, tabıǵatty qorǵaý sharalarynda kúl-shlak qaldyqtaryn qaıta paıdalaný jolymen qysqartý boıynsha utymdy sharalar kózdelmegen», dep atap ótti Ahmetjan Pirimqulov.
Sondaı-aq vıse-mınıstr jumys sapary barysynda óńirdiń iri ónerkásiptik kásiporyndaryna baryp, qaldyqtardy qaıta óńdeý, lastaýshy zattardyń shyǵaryndylaryn ólsheýdi avtomattandyrý, qurǵaq jaǵajaılardyń paıda bolýyn joıý jáne t.b. boıynsha qabyldaǵan sharalarymen tanysty.
