Eldiń bes óńirinde turaqty ornalasqan jerinen sanıtarııalyq avıasııa jelisi boıynsha ushýlardy oryndaýǵa Eurocopter ES-145 jáne KA-32A11VS áýe kemeleri lezde ushyp shyqty. Shyǵys Qazaqstan oblysynda Aqjar aýylynan jańa týǵan náresteni, Ka-32A11VS áýe kemesimen Almaty oblysynda Úsharal qalasynan áıeldi, Mańǵystaý oblysynda Jańaózen qalasynan náresteni, Pavlodar oblysynda Ekibastuz qalasynan qart er adamdy jáne Aqtóbe oblysy Hromtaý qalasynan qart áıeldi tasymaldady. Barlyq naýqastar jedel medısınalyq kómek kórsetý úshin jedel túrde aýrýhanalarǵa jetkizildi.
Naýqastardy tasymaldaý boıynsha barlyq ushýlar Ulttyq shuǵyl medısınany úılestirý ortalyǵynyń medısına qyzmetkerleri men «Qazavıaqutqarý» Tótenshe jaǵdaılar mınıstrliginiń avıasııalyq qutqarý bólimshesi ushqyshtarynyń úılesimdi jumysynyń arqasynda oqys oqıǵasyz sátti aıaqtaldy.
