Ońtústik-Shyǵys Azııanyń basqa elderi sekildi Vetnam da koronavırýsqa qarsy egilgen týrıster men PTR-testi teris týrısterdi qabyldaý prosedýrasy týraly oılanyp jatyr. Eger Úkimet maquldasa, onda bul ereje 2021 jyldyń úshinshi toqsanynda bastalýy múmkin.
Vetnam týrıstik qaýymdastyǵynyń tóraǵasy Ngýen Hýý Tho (Nguyễn huu Th th) aıtýynsha, el shildeden bastap sheteldik saıahatshylardyń kelýine daıyndalýy kerek.
Shekaradan ótýdi jeńildetýdi qalaıtyndar vaksınasııa pasportyn tirkeýdi jaqyn arada bastaǵan durys deıdi, óıtkeni birqatar elde vaksınasııalanǵan azamattar kóbeıip jatyr.
Eldiń Densaýlyq saqtaý mınıstrligi vaksına alǵan adamdar úshin de 14 kúndik karantın qajet dep esepteıdi. Biraq týrıstik bıznes pen týrıstik uıymdar mundaı sheshimge narazylyq bildirýde, óıtkeni bul týrızmdi shektep otyr.
Sondaı-aq Vetnamda Qytaı, Sıngapýr, Ońtústik Koreıa jáne Taıland sııaqty azdaǵan elden vaksınasııalanǵan týrıster úshin jasyl dálizderdi ashý múmkindigin talqylanyp jatyr.
