Aıta keteıik, joba aıasynda kásipkerlik sýbektileri Densaýlyq saqtaý mınıstrliginiń PTR-zertteýler týraly derekter bazasymen biriktirilgen Ashyq mobıldi qosymshasymen jumys isteıdi. Mekemege kirer kezde jáne shyǵar sátte QR-kodtar belgilenedi. Osy arqyly kelýshiniń vırýs tasymaldaýshy nemese tasymaldaýshy emestigi týraly mártebesi anyqtalady.
Qazir qosymshany fıtnes-klýbtar, spa-ortalyqtar, basseınder, boýlıng klýbtary, kompıýterlik klýbtar men saýnalar paıdalanady.
Kásipkerler úshin jobanyń artyqshylyǵy — onyń aıasynda jumys isteı otyryp, qaı aımaqqa ornalasqanyna qaramastan qyzmetin qaıta bastaýyna nemese jalǵastyrýyna bolady.
Aıta ketý kerek, mekemege kirer sátte kelýshilerge túster boıynsha mártebe beriledi:
–– «qyzyl» mártebe – qozǵalysqa shekteý, óıtkeni adam ambýlatorııalyq emdelýde;
– «sary» mártebe – ishinara shekteý, ıaǵnı PTR arqyly baılanysta bolǵan;
– «kók» mártebe – PTR-anyqtamanyń bolýy mindetti oryndardan basqa jerlerde qozǵalysqa shekteýler joq;
– «jasyl» mártebe – COVID-19-ǵa teris nátıjemen PTR-testileýden ótken adam úshin shekteýsiz qozǵalys.
Nur-Sultanda jumys isteıtin Ashyq jobasyna qatysýshylardyń tizimimen qala ákimdiginiń resmı saıtynda myna silteme boıynsha tanysýǵa bolady.
