«Qazaqstannyń Azamattyq Alıansynyń» Prezıdenti Baný Nurǵazıeva:
«Naýryz - kóktem merekesi, tabıǵattyń jańarýy. Prezıdent Qasym-Jomart Kemelulynyń bastamasyn qoldaý maqsatynda biz adamnyń tabıǵat pen qoǵamda úılesimdi ómir súrýine kúsh salǵymyz keledi. Biz barlyq ÚEU men qoǵamdyq uıymdardy ekologııalyq aksııany qoldaýǵa shaqyramyz. Bul aýlalardy, kóshelerdi, saıabaqtardy, alańdardy, skverlerdi tazalaý, aǵash otyrǵyzý jáne ekologııalyq tanymdyq is-sharalar».
Esterińizge sala keteıik, Memleket Basshysy Qasym-Jomart Toqaev Qazaqstan Táýelsizdiginiń 30 jyldyǵyn merekeleýge daıyndyq jónindegi memlekettik komıssııanyń birinshi otyrysynda atap ótti:
«Babalarymyz Áz Naýryz kelgende bulaqtyń kózin ashyp, aǵash otyrǵyzǵan. Osy tamasha dástúrdi jańa qarqynmen jalǵastyraıyq. Tabıǵatty tazalap, qorshaǵan ortany kógaldandyrýdy qolǵa alaıyq. Mundaı sharalardy barlyq aımaqta uıymdastyrýymyz qajet. Bul – ata saltymyz jáne urpaqqa ekologııalyq tárbıe berýdiń eń tıimdi joly».
Bastamany «Kazakhstan Innovations» QQ, «Jıznennyı pýt» QB, «Yntymaq Atyraý» QB, Qostanaı oblysynyń Azamattyq Alıansy, «Jasyl El» QU, «Alhımııa Eko» QB, «Mańǵystaý áıelder kóshbasshylyǵy mektebi» QB, Qyzylorda oblysynyń ÚEU Alıansy jáne basqalary qoldady.
Aqmola oblysynda eriktiler mektep oqýshylary men stýdentterge ekovolonterlyqty damytý boıynsha ekologııalyq saǵattar ótkizedi, sondaı-aq «Ana úıinde» turatyn jas áıelderge «ekosyılyqtar» daıyndady.
Qostanaı oblysynda qoǵam belsendileri «birge suryptaımyz» atty qustar úıi festıvali men chellendjin josparlady.
Atyraý oblysynda qoǵam belsendileri «Ataýly aǵash» aksııasy aıasynda aǵash otyrǵyzýdy josparlap otyr.
Batys Qazaqstan oblysynda «Taza qala» aksııasyn, «saıabaqtar sherýin» ótkizý josparlanýda.
Shymkentte «Eko rejımdegi Shymkent» jobasy aıasynda is-sharalar kesheni ótedi. Atap aıtqanda, ekologııalyq jaǵdaıǵa monıtorıng jáne zertteý, «Men ekopaketti tańdaımyn» aksııasy, «Meniń baqytty bolashaǵym» balalar festıvali, «aýadan aqsha» eksperımenti (qaldyqtardy kádege jaratý boıynsha), makýlatýra men plastıkti jınaý núktelerin qurý, jınaý núkteleri kartasynyń qosymshasyn ázirleý júrgiziledi.
Mańǵystaý oblysynda memlekettik organdar, ÚEU ókilderiniń, eriktilerdiń qatysýymen birqatar senbilikter ótkiziledi. «Amanat» alleıasyn ashý josparlanýda.
Qyzylorda oblysyndaǵy Tuńǵysh Prezıdent saıabaǵynda aǵash otyrǵyzylady. Oblystyń árbir aýdanynda keminde 500 túp kóshet otyrǵyzý kózdelip otyr. Bul aksııany ÚEU alıansynyń ókilderi úılestiretin bolady.
Sonymen qatar, azamattyq bastamalardy damytý qory ekologııalyq aksııaǵa óz úlesin qosýdy josparlap otyr, «Qaıyrymdy ister marafony» jalpyulttyq jobasy aıasynda sáýir aıynda elordada aýqymdy aǵash otyrǵyzý uıymdastyrylady.
«EkoNaýryz» aksııasynyń uıymdastyrýshylary men qatysýshylary barlyq is – sharalardyń maqsaty – ekologııalyq mádenıetti jáne qorshaǵan ortany saqtaý jónindegi qoǵamdyq bastamany damytý, sondaı-aq ekologııalyq sanany qalyptastyrý ekenin atap ótti.
