Elordada sıfrlyq sheshimder arqyly qala turǵyndarynyń ómirin jaqsartý jáne qolaıly jaǵdaı jasaý maqsatynda 2020 jyldyń qyrkúıeginde IT-keńes quryldy.
Spıker qurylǵan keńestiń basty mindeti IT-ındýstrııaǵa qatysýshylardy biriktirý ekenin aıtyp ótti. Munda árkimniń sıfrlandyrý salasyndaǵy qalanyń biryńǵaı ekojúıesin iske asyrýǵa qatysty óz kózqarasyn bildirýge, qala turǵyndaryna yńǵaıly bolýy úshin sıfrlyq jobany tanystyrýǵa, sondaı-aq bolashaq IT-jobalardy iske asyrý boıynsha usynystarymen bólisýge múmkindigi bar.
«IT-keńes sıfrlandyrýǵa tartylǵan barlyq taraptar úshin yńǵaılylyqty, ashyqtyqty, transparenttilikti usynady. IT-keńestiń quramyna jetekshi sıfrlyq kompanııalardyń, ǵylym men memlekettik organdardyń ókilderi kirdi. Otyrys barysynda IT-qaýymdastyq óz jobalaryn tanystyrady, sondaı-aq ınnovasııalardy engizýdiń tıimdiligin kórneki kórsetedi. Endi zamanaýı ınnovasııalardy engizý arqyly elorda turǵyndarynyń ómir súrý sapasyn jaqsartý úshin mundaı jumys formaty júıeli túrde júrgiziletin bolady. Qaralǵan 11 joba boıynsha keńes músheleri men IT qaýymdastyq kóptegen máselelerdi kóterdi. Árbir másele boıynsha ákimdiktiń naqty jumysy júrgizilip jatyr», dedi Astana Innovations ınnovasııalyq ekojúıeni damytý ortalyǵynyń jetekshisi Jasulan Kenjeǵalıev.
2020 jyly IT-keńestiń úsh otyrysy ótti. Olardyń qorytyndysy boıynsha «bultty júıe» modıfıkasııalandy, «aqyldy lıýk» pılottyq jobasy iske qosyldy, № 10, № 87, № 54 mektepterde beıindi pánderdiń bilim berý baǵdarlamasyn vızýalızasııalaý boıynsha Roqed Science baǵdarlamasy engizildi, elordanyń geoportaly jańǵyrtyldy, qoqys shyǵarý boıynsha jumys avtomattandyryldy.
«Bıyl ákimdik birqatar mindetti josparlady, onda IT-keńes elordanyń ósýi men damýynyń biryńǵaı draıveri bolyp sanalady. Aldaǵy IT-keńeske sıfrlyq sheshimniń qatysýyna nemese tanystyrylymyna qatysty naqtylaıtyn máselelerdi Nur-Sultan qalasynyń sıfrlandyrý jáne memlekettik qyzmetter basqarmasyna joldaı alasyz», dep qosty Danııal Aıtkenov.
