Sondaı-aq G. Marchenko Eýrazııalyq damý bankiniń (EDB) basshylyǵy О́zbekstan EDB-ǵa múshe bolǵanyn qalaıtynyn aıtty.
«Biz EADB-da jańa múshe elderdi kórgimiz keledi. Bul faktor qosymsha ártaraptandyrýǵa múmkindik beredi. Osy jyldar ishinde ár túrli elder bankke qosylǵysy keldi: 2011 jyly Qytaı, sonymen qatar Túrkııa, Serbııa, Moldova da múshelikke enýge nıet tanytty. Biraq qazir biz úshin О́zbekstanmen jumys isteý mańyzdy. Jeltoqsan aıynda О́zbekstan Prezıdenti olardyń jumys isteýge daıyn ekendikterin, EAEO-da baqylaýshy mártebesin alǵandyqtaryn málimdedi. Men Tashkentte qarjy naryǵyn damytý jónindegi konferensııaǵa bardym. EDB basshylyǵy retinde biz О́zbekstannyń EDB múshesi bolǵanyn qalaımyz. Biraq sheshimdi, árıne, biz qabyldamaımyz», dedi Grıgorıı Marchenko.
Ol О́zbekstannyń EDB-ǵa qosylýy bank qurý kezinde de talqylanǵanyn eske túsirdi.
«Ras, ol qurylǵan kezde Ýkraına da osy banktiń múshesi bolady dep boljanǵan. Ýkraına damýdyń basqa jolyn tańdady - bul olardyń quqyǵy. Al ortalyq Azııadaǵy tolyqqandy ekonomıkalyq ıntegrasııa О́zbekstannyń qatysýynsyz múmkin emes», dedi Grıgorıı Marchenko.
Jýrnalısterdiń О́zbekstannyń EDB-ge kirýi kútiletin ýaqyt týraly suraqqa suhbattasýshy naqty kúnin ataı almaıtynyn jetkizdi. «Siz qosylý sharttary О́zbekstannyń pozısııasyna, sondaı-aq rásimderge baılanysty ekenin túsinesiz. Biz eshbir jaǵdaıda О́zbekstandy ıtermelemeımiz, bul olardyń táýelsiz sheshimderi. Eger olar qosylyp jatsa biz óte qýanyshtymyz», dep atap ótti Grıgorıı Marchenko.
Ol О́zbekstan ıntegrasııasynyń artyqshylyqtaryn tizip berdi. «Munyń barlyǵy úshin birqatar artyqshylyqtary bar. Birinshiden, biz Reseıde jáne Qazaqstanda sátti qurylymdap, júzege asyrǵan kóptegen jobalar bar. О́zbekstanda olar qarapaıym túrde qurylymdalýy múmkin. Ekinshiden, banktiń portfelin ártaraptandyrý zańdy bolar edi, óıtkeni alty el kóp emes. Sonymen qatar jaǵdaıǵa baıyppen qarasańyz, EDB portfolıosynyń 97% -y Qazaqstan, Reseı jáne Belorýssııa», dedi Grıgorıı Marchenko.
Onyń aıtýynsha, О́zbekstanmen transshekaralyq jobalar jasalýy múmkin.
«Mysaly, Keńes zamanynda Ortalyq Azııada biryńǵaı energetıkalyq júıe boldy. Kezinde ony bólip-jaryp jibergen. Nátıjesinde birneshe elderde problemalar týyndady. Iаǵnı eger teorııalyq turǵydan О́zbekstan EAEO-ǵa qosylsa, bul saqınany qalpyna keltirý týraly oılanýǵa bolar edi. Bul aımaqtaǵy elektr energııasyn 20%-ǵa deıin únemdeýge múmkindik beredi. Iаǵnı eski ıntegrasııanyń barlyq shemalary jaman emes. Biz ony kórip otyrmyz. Bul máseleni (ıntegrasııa týraly, birtutas energetıkalyq júıe týraly - Red.) ózbek bıznesiniń ókilderi kóterdi», dedi Grıgorıı Marchenko.
Sondaı-aq ol basqa elderdiń EDB músheligine kirýi týraly kelissózder júrgizilip jatqanyn atap ótti.
