Aıta keteıik, Ulttyq qoǵamdyq senim keńesiniń V otyrysynda Memleket basshysy Qasym-Jomart Toqaev bir aıdyń ishinde jer reformasy jónindegi komıssııany quryp, 25 naýryzda jumysqa kirisýdi, sondaı-aq komıssııanyń quramyna agrarlyq sektordyń bedeldi ókilderin jáne jer máselesin jetik biletin sarapshylardy qosýdy tapsyrǵan edi.
Budan bólek, Prezıdent Úkimetke bıyl tamyz aıynyń sońyna deıin jer reformasynyń negizgi máseleleri boıynsha ortaq mámilme arqyly túbegeıli baılam jasaýdy mindettedi. Al 23 naýryzda Úkimet basshysy Asqar Mamın «Jer reformasy boıynsha komıssııa qurý týraly» jylǵy «№ 62-ó» ókimge qol qoıdy.
Joǵaryda atalǵan ókimge sáıkes komıssııa tóraǵasy bolyp Premer-Mınıstrdiń orynbasary Eraly Toǵjanov, al onyń orynbasary bolyp Aýyl sharýashylyǵy mınıstri Saparhan Omarov bekitildi.
