Qala ákimi apparatynyń basshysy Ǵabıt Máýlenqulov basqarma basshysyn ujymǵa tanystyryp, qyzmetine sáttilik tiledi. Azamat Jaqypbekuly 1988 jyly Ońtústik Qazaqstan oblysynda dúnıege kelgen. Bilimi – joǵary, quqyq magıstri. E.Býketov atyndaǵy QarMÝ jáne AQSh-taǵy Pensılvanııa ýnıversıtetinde oqyǵan.
Alǵashqy eńbek joly Ádilet mınıstrligindegi basqarmalarda sarapshy bolýdan bastalǵan. Keıinnen bas sarapshy, basqarma basshysy, dırektor orynbasary, mınıstrdiń keńesshisi, Shymkent qalasy boıynsha ádilet departamenti basshysynyń orynbasary qyzmetterin atqarǵan.
Sonymen qatar, Memlekettik qyzmet isteri jáne sybaılas jemqorlyqqa qarsy is-qımyl agenttigi Mańǵystaý oblysy boıynsha departamentiniń konsýltanty, bas sarapshysy bolǵan. 2020 jyldan búginge deıin Bilim jáne ǵylym mınıstrliginiń Ǵylym komıteti tóraǵasynyń orynbasary laýazymynda qyzmet etip kelgen.
