PIIMA (Prezident, ijod va ixtisoslashtirilgan maktablarni rivojlantirish agentligi) – О́zbekstanda 2019 jylǵy qyrkúıekte Respýblıka Prezıdenti Shavhat Mırzıeevtiń Jarlyǵymen qurylǵan daryndy balalarǵa arnalǵan ınnovasııalyq mektepter bolyp tabylady. О́zbekstan Respýblıkasy Mınıstrler Kabıneti janyndaǵy Prezıdenttik, shyǵarmashylyq jáne mamandandyrylǵan mektepterdi damytý agenttiginiń dırektory Hılola Ýmarovanyń aıtýynsha, О́zbekstan bilim berý standartyn, sondaı-aq oqytýdyń ádistemeleri men tehnologııalaryn jetildirý, bilim berý uıymdarynyń jańa modelderin qalyptastyrý men taratý, pedagogtardy kásibı damytý boıynsha keshendi jumys istep keledi.
«Nazarbaev Zııatkerlik mektepteri» DBBU basqarma tóraıymy Kúlásh Shámshıdınova alǵashqy jyldary Ulybrıtanııanyń, Fınlıandııanyń, AQSh-tyń jáne de ózge de kóptegen elderdiń bilim berý júıeleri zerttelgenin, sodan keıin qazaqstandyq ıdeologııa, otandyq mentalıtet, mádenıet pen dástúrler negizinde Zııatkerlik mektepterdiń ózindik baǵdarlamasy – NIS-programme qurylǵanyn atap ótti. Sheteldik áriptesterdi oqý-ádistemelik materıaldar jáne olardy ázirleý, jazǵy lagerlerdi, olımpıadalyq qozǵalysty uıymdastyrý jónindegi praktıkalyq suraqtar qyzyqtyrdy.
О́tken jyldyń jeltoqsan aıynda Agenttik delegasııasy Nur-Sultan qalasyna kelip, elordadaǵy úsh Zııatkerlik mekteptiń, Pedagogıkalyq sheberlik, pedagogıkalyq ólshemder jáne bilim berý baǵdarlamalary ortalyqtarynyń jumys barysyn zerttedi.
