9 mamyrda ǵalymdar QazCovid-in vaksınasyn ázirlep shyǵardy.
15 mamyrda Densaýlyq saqtaý uıymy ony kandıdattyq vaksına retinde tirkedi jene ǵalymdar zerthanalyq janýarlarǵa egý arqyly klınıkaǵa deıingi zertteýdi bastady.
Maýsym aıynda QR Densaýlyq saqtaý mınıstrliginiń Dárilik zattardy saraptaý ulttyq ortalyǵy zertteýdiń oń nátıjelerin moıyndady.
Shildede ǵalymdar ózderi jasap shyǵarǵan QazCovid-in vaksınasyn alǵashqy bolyp ózderine salǵyzdy.
17 qyrkúıekte 44 eriktiniń qatysýymen I kezeńniń klınıkalyq zertteýleri bastaldy. Nátıjesinde vaksına joǵary qaýipsizdigin kórsetti, eriktilerdiń jaǵdaıy qalypty.
17 qazanda klınıkalyq zertteýlerdiń II kezeńi bastalyp, oǵan 200 erikti qatysty.Nátıjesinde vaksına joǵary ımmýnogendilik pen tıimdiligin kórsetti.
19 jeltoqsanda Densaýlyq saqtaý mınıstrligi klınıkalyq zertteýlerdiń sońǵy III kezeńin júrgizýge ruqsat berdi, onyń aıasynda 3 myń eriktige QazCovid-in vaksınasy salyndy.
Qazirgi ýaqytta eriktilerdiń jaǵdaıy qalypty, jaqsy. Eriktilerdiń qanynda qajetti qorǵanys antıdeneleri paıda boldy.
QR Bilim jáne ǵylym mınıstri Ashat Aımaǵambetov, QR Prezıdentiniń kómekshisi Erlan Qarın, Jambyl oblysynyń ákimi Berdibek Saparbaev, «Qazaqstandyq medısınalyq keńes» medısınalyq bilim jáne ǵylym uıymdary qaýymdastyǵynyń prezıdenti Talǵan Nurǵojın QazCovid-in qazaqstandyq vaksınasyn klınıkalyq synaqtardan tys ózderine salǵyzdy.
