Turǵyndardyń aıtýynsha, aýyz sýdyń sapasy óte nashar. Súzgiden ótkizýge de kelmeıdi eken. Onyń ústine jýyrda ǵana nesıege jasalǵanyn bilgen.
⠀
«Bul jaǵdaı jalǵasa berse, kórshilerimizben bólise almaı qalamyz. Tarıf óte qymbat – 174 teńge. Ákimge shaǵym da jazdyq. Sol kezde sýdy 20 jylǵa nesıege jasaǵandaryn bildik. Buǵan deıin eshkim bilmegen. Endi sý baǵasyn 1 000 teńgege deıin deıin kótermek. Olaı bolsa, bizge eski qudyqtardy qaıtarsyn. Onda tipti sý da taza bolatyn», dedi aýyl turǵyny Qaırat Dýlatbaev.
⠀
«Biz monopolııaǵa qarsy komıtetke úsh aýyldaǵy tarıfke qatysty saýal joldadyq. Aqjazyq aýylynda – 996 teńge, Lesnovka aýylynda – 918 teńge jáne Pedjım aýylynda – 446 teńge. Bul bir tekshe metr sýdyń baǵasy. Aqjazyq pen Lesnovka aýyldarynyń kólemi shaǵyn bolǵandyqtan, mundaǵy tarıf te qymbat», dep túsindirdi sýmen jabdyqtaý kásipornynyń bas ekonomısi Nazıra Qasenqyzy.
⠀
«Turǵyndardan ótinish tústi. Biz ony 90 jumys kúni ishinde qarastyramyz. Departament áli sheshim shyǵarǵan joq. Bul jerde tarıfti 2021 jyldyń sońyna deıin kóterý týraly másele qaralǵan joq. Eger kelesi jyly osyndaı usynys bolsa, onda sheshý joldaryn qarastyramyz», dep jaýap berdi Tabıǵı monopolııalardy retteý departamentiniń bólim bastyǵy Baqtııar Baqytjanuly.
⠀
Tilshileriniń aıtýynsha, sýmen qamtamasyz etýdiń barlyq júıesi nesıege alynǵan. Iаǵnı, nesıe tólenbese, barlyq jabdyq qaıtaryp alynady.
⠀
«Joba bıýdjettik nesıeleý baǵdarlamasy boıynsha júzege asyryldy. 20 jyl ishinde bıýdjetke salynǵan aqshany qaıtarýǵa tıispiz. Kelesi jyldan bastap tutynýshylar nesıe tóleıdi dep boljanyp otyr. Biraq bul aýylda tarıf basqalarǵa qaraǵanda joǵary. Bul máseleni qarastyramyz jáne bolashaqta sheshemiz», dep ýáde berdi aýdannyń turǵyn úı-kommýnaldyq ınspeksııasy bóliminiń bastyǵy Arman Tazabekov.
