Koronavırýs • 03 Sáýir, 2021

Elordada kınoteatrlar men qonaqúılerde koronavırýsqa qarsy egý pýnktteri ashylýy múmkin

59 ret kórsetildi

Nur-Sultan qalasynyń ákimi Altaı Kólginov Instagram paraqshasynda bıznes ókilderimen sanıtarlyq normalardy qatań saqtaı otyryp, keıbir bıznes sýbektilerine jumys isteı berýge múmkindik beretin Ashyq jobasyn masshtabtaý máseleleri talqylanǵanyn málim etti, dep habarlaıdy  Egemen.kz.

«Ár turǵyn karantın men onyń saldaryn sezindi. Búgin bıznes ókilderimen, Nur-Sultan qalasynyń kásipkerler palatasymen, sanıtarlyq dárigerlermen shaǵyn jáne orta bıznesti qoldaý sharalaryn, ekpe alý pýnktterin ashý, sanıtarlyq normalardy qatań saqtaı otyryp, keıbir bıznes sýbektilerine jumys isteı berýge múmkindik beretin Ashyq jobasyn masshtabtaý máseleleri talqylandy.

Birinshi. Vaksınasııa

Koronavırýspen kúreste óte mańyzdy ádis – vaksınasııa men ujymdyq ımmýnıtetti qalyptastyrý. Birinshi kezeńde ekpeni koronavırýspen kúreste aldyńǵy shepte júrgen medısına qyzmetkerleri, muǵalimder, polısııa qyzmetkerleri jáne t.b. alyp jatyr.

Sáýir aıynan bastap halyqty vaksınasııamen keńinen qamtýǵa kirisemiz. Memleket basshysynyń tapsyrmasyna sáıkes Densaýlyq saqtaý mınıstrligi SK-Farmasııamen birlese halyqty barynsha qamtý úshin qalaǵa vaksınalardyń qosymsha dozasyn jetkizedi.

Egý pýnktteri

Kásipkerlerimiz áleýmettik jaýapkershilik tanytyp, egý pýnktterin arttyrý úshin óz alańdaryn usynyp otyrǵany qýantady. Mysaly, Nurlan Smaǵulov Mega Silk Way SOO kınoteatrlaryn egý pýnktterine jabdyqtaýdy usyndy. Sondaı-aq qonaqúı ıelerinen usynystar tústi.

Qalanyń sanıtarlyq dárigerine, basqarmalarǵa barlyq qajet ınfraqurylymdy daıyndaýdy tapsyrdym.

Úshinshi. Ashyq jobasyn masshtabtaý

Memleket basshysynyń tapsyrmasyna sáıkes shaǵyn jáne orta bıznes ókilderine qoldaý kórsetiledi. Mysaly, beıindi vedomstvolar birqatar kásipkerlik obektilerine QR-kod berýge, kireberiste kelýshilerdiń epıdstatýsyn skanerleýge múmkindik beretin Ashyq mobıldi qosymshasyn iske qosty. Osylaısha, qatań sanıtarlyq normalardy saqtaı otyryp, kásipkerlik obektileri óz qyzmetin qaıta bastady.

Ashyq júıesiniń qaǵıdaty boıynsha jumys isteı alatyn obektiler tizimin keńeıtýdi josparlap otyrmyz.

Tórtinshi.

Budan basqa, Memleket basshysynyń tapsyrmasyna sáıkes beıindi organdar ShOB-ty qoldaýdyń jekelegen salyqtar men kredıtter boıynsha tólemderdi keıinge qaldyrý, salyqtyq jáne kedendik bereshekti májbúrlep óndirip alýdy toqtata turý jáne t. b. sııaqty qosymsha sharalardy qabyldaý boıynsha jumys júrgizilip jatyr.

Qalanyń qalypty ómirge tezirek oralýy qalalyqtar úshin de, bıznesti júrgizý úshin de qolaıly jaǵdaı jasaý jáne qaýipsizdikti qamtamasyz etý mańyzdy. Munyń bárine sanıtarlyq normalardy qatań saqtaý arqyly qol jetkizýge bolatyndyǵyn túsiný kerek. Barlyq tártipti saqtaı otyryp qana qatań karantındik sharalardy engizbeýge bolady», dep jazdy elorda ákimi.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar