Úkimet • 06 Sáýir, 2021

Sáýirden bastap óńirlerde aı saıyn 2 mln adam vaksına alady

68 ret kórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda elimizdegi sanıtarlyq-epıdemıologııalyq jaǵdaı qaraldy, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Qazirgi jaǵdaı, halyqty vaksınasııalaý barysy jáne Memleket basshysy Qasym-Jomart Toqaevtyń tapsyrmalaryn oryndaý boıynsha qabyldanyp jatqan sharalar týraly densaýlyq saqtaý mınıstri Alekseı Soı, Almaty oblysynyń ákimi Amandyq Batalov, Atyraý oblysynyń ákimi Mahambet Dosmuhambetov, Aqtóbe oblysynyń ákimi Ońdasyn Orazalın baıandady.

Respýblıka boıynsha vırýstyń reprodýktıvtlik kórsetkishi 1,16 quraıdy. Infeksııalyq tósek-oryndar júktemesi – 36%, reanımasııalyq tósek-oryndar júktemesi – 22%.

Qazirgi ýaqytta COVID-19 taralý qarqyny boıynsha «qyzyl aımaqta» – Nur-Sultan jáne Almaty qalalary, Atyraý, Aqtóbe, Almaty jáne Batys Qazaqstan oblystary, «sary aımaqta» – Shymkent qalasy jáne Qaraǵandy oblysy. Barlyq qalǵan óńirler – «jasyl aımaqta».

Premer-Mınıstr Úkimettiń syrqattanýshylyq deńgeıin tómendetý men vaksına alǵandardyń sanyn arttyrý jóninde jedel sharalar qabyldap jatqanyn atap ótti.

Bıylǵy sáýir aıynan bastap óńirlerde aı saıyn 2 mln adamdy vaksınasııalaý qamtamasyz etiledi. Densaýlyq saqtaý mınıstrligi vaksınasııalaý boıynsha naqty jospar ázirledi.

«Qyrkúıek aıynda vaksınasııalaýǵa jatatyn 10 mln adamǵa vaksına salýdy aıaqtaýdy josparlap otyrmyz. Sodan keıin ujymdyq ımmýnıtettiń jınaqtaýshy áseri kútiledi», dedi A. Mamın.

Úkimet basshysy densaýlyq saqtaý júıesi dárilik zattar men medısınalyq buıymdardyń qajetti kólemimen tolyq qamtamasyz etilgenin atap ótti. Aýrýhanalarda dári-dármekterdiń bir aılyq qory bar, al «SQ «Farmasııa» qoımalarynda jáne dárihanalarda 2 aılyq qor jasaldy. Sonymen qatar, barlyq óńirlerde dári-dármekter, jeke qorǵanys quraldary men shprısteri bar 3 aılyq turaqtandyrý qorlary quryldy.

«Jalpy, Memleket basshysy Qasym-Jomart Kemeluly Toqaevtyń barlyq tapsyrmalaryn oryndaý boıynsha júıeli jumys júrgizilýde», dedi A. Mamın.

Premer-Mınıstr Densaýlyq saqtaý mınıstrligine, ákimdikterge «qyzyl aımaqtaǵy» óńirlerde vaksına alatyndardyń sanyn arttyrý boıynsha sharalar qabyldaýdy jáne qabyldanǵan josparǵa sáıkes vaksınany jetkizýdi qamtamasyz etýdi tapsyrdy.

Aqparat jáne qoǵamdyq damý mınıstrligine Densaýlyq saqtaý mınıstrligimen, ákimdiktermen birlesip vaksınasııalaýdyń mańyzdylyǵy týraly aqparattyq-túsindirý jumystaryn keńinen júrgizý tapsyryldy.

Densaýlyq saqtaý, sıfrlandyrý, ishki ister mınıstrlikterine, «Atameken» UKP, óńirlerdiń ákimdikterine osy jyldyń sáýir aıynyń sońyna deıin bıznes sýbektileriniń qyzmetin qalpyna keltirý jáne epıdemııaǵa qarsy sharalardy júrgizý úshin «adamdardyń shoǵyrlaný oryndaryn anyqtaý kartalaryn» engizý men mobıldi monıtorıngteý toptarynyń tıimdiligin jaqsartý maqsatynda barlyq óńirlerge «Ashyq» jobasyn kezeń-kezeńimen engizý tapsyryldy. 

 

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar