«BAQ jáne teleradıohabarlaryn taratý salasy qyzmetkerleri kásipodaǵynyń tóraǵasy retinde Shymkent qalalyq Polısııa departamenti qyzmetkerleriniń óreskel áreketterin aıyptaımyn. Zańnan attaǵandar tıisti jazasyn alýy tıis. Áriptesterimizge quqyqtyq kómek qajet bolyp jatsa kásipodaq zańgerleri qoldaýǵa ázir», dep jazdy Z. Álipbek.
Osy oraıda ol jýrnalısterge judyryq jumsalatyn sátterdiń jıi kezdesetinin atap ótti.
«Qazir kez-kelgen mekeme ózine tıimsiz bolsa tilshini ǵımarat túgili aýlasyna da kirgizbeıdi. Sondyqtan jýrnalıst oqıǵa bolǵan jerge erigip emes, halyqqa qajetti aqparat alý úshin baratynyn memlekettik organ men mekeme ókilderiniń sanasyna sińiretin ýaqyt jetti. Iаǵnı, óziniń kásibı qyzmetin atqaryp júrgen tilshige kedergi keltirý halyq pen memleketti aqparat alý múmkindiginen aıyrý degen sóz. Osy jerde tilshi qaýymnyń tym tómendep ketken bedelin kóterý úshin (Kim-kóringen qoqan-loqqy kórsetip, taıaqtap ketip jatsa tómendegeni emeı nemene?) kezinde muǵalimderdi arashalap qalǵanymyz sekildi osyndaı ospadarlyqtardan qorǵaıtyn «Jýrnalıst mártebesi týraly» arnaıy zań qabyldaý qajettigi anyq baıqalyp tur. Ol zańda jýrnalısterimizdiń ábden qordalanǵan áleýmettik máselelerin sheshý joldaryn da qarastyrýǵa bolar edi. Shymkenttik áriptesterimizdiń batyl qadamy qýantady», delingen jazbada.
Eske sala keteıik, buǵan deıin Shymkentte jýrnalısterdiń beıbit aksııa ótkizgenin habarlaǵan edik.
