Medısına • 08 Sáýir, 2021

Medısınalyq mekemeler qyzmetindegi kemshilikter

6 ret kórsetildi

Osy jyldyń bastapqy eki aıynda Almaty turǵyndaryna kórsetilgen medısınalyq kómek sapasyn baqylaý barysynda 6,4 myń qyzmettiń túrli kemshiliktermen kórsetilgeni anyq­taldy. Nátıjesinde, qaladaǵy emdeý mekemelerine 335 mln teńge aıyppul salyndy. Bul málimetterdi «Áleýmettik medı­sınalyq saqtandyrý qory» KEAQ Almaty fılıaly jarııalady.

Medısınalyq qyz­met sapasyn baqylaý bóli­miniń jetekshisi Ásem Ma­napbaevanyń aıtýynsha, kemshiliktiń basym bóligine konsýltatıvtik-dıagnostıkalyq kómek kórsetetin klınıkalar ta­rapynan jol berilgen. Jalpy, konsýltatıvtik-dıagnostıkalyq kómek bo­ıynsha 4,5 myń qyzmet túrli kemshilikpen kórsetilgen. Nátıjesinde, 7,1 mln teńge qaı­tarylyp alyndy.

Aqaýmen kórsetilgen 1,5 myń qyzmet – stasıonar­lar men stasıonardy almastyratyn kómek uıymdaryna tıesili. Atal­ǵan kemshilikter úshin bul klı­nı­kalar 321,8 mln teńge aıyppul tóledi. 

Al emhanalar 343 qyz­metti kemshilikpen kórset­ken. Monı­torıng nátıje­sinde 6 mln teńge Qorǵa qaı­taryldy.

«Monıtorıng barysynda anyq­talǵan kem­shilikterdiń deni emdeý-dıagnostıka barysyn­da belgilengen standarttardan aýytqý, me­dısınalyq qu­jat­­tardy durys toltyrmaý, qyz­met baǵasyn negizsiz ósi­rý syndy olqylyqtarǵa kelip saıa­dy. Sonymen qatar, «kórse­til­di» dep jazylǵan belgili bir qyzmet túrleriniń shyn má­ninde kórsetilgenin rastaı alma­ǵan klınıkalar da bar», dedi Á.Manapbaeva.

MSQ kórsetilgen qyzmet sapasyna turaqty baqylaý júrgizip otyrady. Búginde dáriger kó­me­gine júginbegen adamdy «qa­byldaýda boldy» dep jazý máse­lesi jurt­shylyq arasynda ózekti máselege aınalǵany bel­gili. Bıyl­ǵy qańtar-aqpan aı­­larynda fılıal mamandary azamattar­dan túsken aryz-shaǵymdar nátıjesinde osyn­daı 57 faktini anyqtap, em­hana-ambýlatorııa deń­geıin­de júrgizilgen monıtorıng barysynda medısına uıymdaryna 1,4 mln teńge aıyppul saldy.

Qaıtaryp alynǵan qara­jat medısınalyq kómek­tiń ózge túrlerine jumsalady.

Esterińizge sala ketsek, Almatyda 182 medısına uıymy tegin medısınalyq kó­mek jáne MÁMS paket­teri sheń­berinde qyz­met kórsetedi. Olarmen 2021 jylǵa beki­tilgen kelisim­sharttyń jal­­py somasy 180,8 mlrd teńgeni qurap otyr.

 

 

 

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar