Álem • 08 Sáýir, 2021

Reseı sıfrlyq valıýtany synaqtan ótkizedi

19 ret kórsetildi

Reseıdiń Ortalyq banki 2022 jylǵa deıin  sıfrlyq rýbldi synaqtan ótkizýge sheshim qabyldady, sodan keıin ony qoldanysqa engizýdiń jol kartasy daıyndalady, dep jazady Egemen.kz  Ortalyq bank tóraǵasynyń birinshi orynbasary Olga Skorobogatovanyń málimdemesine silteme jasap.

2021 jyldyń jeltoqsanyna deıin retteýshi sıfrlyq rýbl platformasynyń prototıpin qurýdy josparlap otyr. «2022 jyly tekseristen ótkizemiz dep josparlap otyrmyz. Tek testileý nátıjeleri boıynsha biz maqsatty platformany iske asyrýdyń qandaı jol kartasy jáne qandaı merzimde júzege asyrylatynyn túsinetin bolamyz», dedi Skorobogatova.

RF Ortalyq banktiń saıtynda jarııalanǵan málimetterde qoldanystaǵy   Zańnamaǵa túzetýlerdi ázirleý 2022 jyldyń qańtaryna, al sıfrlyq rýbldi testileýdi bastaý 2022 jyldyń birinshi toqsanyna josparlanǵany jazylǵan. 

Reseı banki azamattar men kásipkerlerdiń sıfrlyq ámııandaryndaǵy qaldyqtarǵa shekteý qoıýdy josparlamaıdy, dep habarlady Ortalyq bank. «Sıfrlyq ámııanǵa túsetin barlyq soma barlyǵy, ol adam úshin, bıznes úshin tolyqtaı qol jetimdi bolady. Sandyq ámııandardaǵy qaldyqtarǵa shekteý qoıylmaıdy», dedi Skorobogatova

Reseı Banki sonymen birge salyq tólemderi úshin sıfrlyq rýbldi paıdalanýǵa ruqsat beredi.

Eske sala keteıik, 2020 jyldyń qazan aıynyń ortasynda Reseı Federasııasynyń Ortalyq banki óz esebinde sıfrlyq rýbl tujyrymdamasyn usyndy. Ol arnaıy elektrondyq ámııanda saqtalatyn biregeı sıfrlyq kod túrinde bolady, al sıfrlyq rýbldi bir qoldanýshydan ekinshisine aýystyrý sıfrlyq kodty bir elektrondy ámııannan ekinshisine aýystyrý túrinde bolady.

Sıfrlyq rýbldi Reseı Banki aınalysqa shyǵarady. Aqsha ıeleri rýblderdi bir formadan ekinshisine erkin aýdara alady. Buǵan deıin Japonııa Banki óziniń sıfrlyq valıýtasyn shyǵarý múmkindikterin tekserýge arnalǵan eksperımenttiń birinshi kezeńin bastaǵany týraly habarlanǵan bolatyn.

О́z kezeginde, Qytaı ótken jyly sandyq ıýanmen tájirıbe jasaı bastady: retteýshi CDBC-di 2020 jyldyń qarashasynda synaqtan ótkize bastady. Bılik sandyq valıýtany Beıjiń-2022 qysqy Olımpıada oıyndary kezinde qoldanýdy josparlap otyr.

Eýropalyq Ortalyq Bank (ECB) osy onjyldyqtyń ortasynda sıfrlyq eýrony shyǵarýdy josparlap otyr.

Qazaqstanda Qazaqstan Ulttyq Bankiniń 2021-2022 jyldarǵa arnalǵan zertteý baǵdarlamasy sheńberinde sıfrlyq valıýtany shyǵarýdyń oryndylyǵy týraly másele qaralatyn bolady.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar