Medısınalyq-sanıtarlyq kómektiń mańyzy zor

Is-shara barysynda múshe memle­ket­ter men DDU qyzmetkerleri arasyn­da «MSAK áleýetin iske asyrý: COVID-19 pandemııasy kezinde alynǵan sabaqtar jáne olardyń DDU Eýropa aımaǵyn­daǵy bolashaq jumys baǵyttary úshin ma­ńyzy» jumys qujatyn qaraý boıyn­sha syndarly pikir almasý boldy. О́z sózinde barlyq qatysýshy jalpy jáne tótenshe jaǵdaılar kezeńinde aza­mat­tar­dyń densaýlyǵyn qamtamasyz etý úshin MSAK-tyń mańyzdy rólin qozǵady.

«Bastapqy býyndaǵy medısınalyq uıymdar epıdemııalyq qadaǵalaý, testileý, baılanystardy qadaǵalaý, jeńil jáne sımptomsyz pasıentterdi júr­gizý jáne olardy ońaltý is-shara­laryn ǵana oryndap qoımaı, tótenshe jaǵdaılar kezinde halyqtyń negizgi densaýlyq saqtaý qyzmetterine úzdiksiz qol jetkizýin qamtamasyz etedi», dedi Ajar Ǵınııat.

Is-shara elder arasyndaǵy dıalog alańyna aınaldy, onda árbir adam COVID-19 pandemııasymen kúreste ult­tyq deńgeıde alǵashqy medısınalyq-sanı­tarlyq kómektiń atqarǵan róli týraly, sondaı-aq densaýlyq saqtaý sa­la­syndaǵy aldaǵy qaýip-qaterler men tótenshe jaǵdaılarǵa odan ári da­ıyndalýǵa múmkindik beretin alynǵan sabaqtar jóninde óz pikirin bildirdi.

Sonymen qatar tóraǵalyq etýshi tarap atap ótkendeı, Qazaqstan Astana deklarasııasyn jáne MSAK Operasııalyq tetigin iske asyrýdy jalǵastyrýdy, densaýlyq saqtaý qyzmetterimen, onyń ishinde tótenshe jaǵdaılar kezinde jappaı qamtýǵa baǵdarlanǵan MSAK áleýetin damytýdy usynady.

DDU ókilderi, sonyń ishinde Almaty qala­syndaǵy DDU-nyń alǵashqy medı­sınalyq-sanıtarlyq kómek jónin­degi geo­grafııalyq jaǵynan qashyq orna­lasqan ofısiniń basshysy Melıtta Iаkab hanym jáne onyń komandasy MSAK-ty damytýdyń odan arǵy baǵyttary týraly óz pikirlerin bildirdi. Olar mýltıdıssıplınarlyq komandalardyń rólin, aýyldyq óńirlerdegi BMSK uıymy­nyń erekshelikterin, kadr re­sýrs­tarynyń áleýetin arttyrý joldaryn, halyqtyń osal toptaryn qol­daý­dyń mańyzdylyǵyn, sondaı-aq elar­alyq úzdik tájirıbelermen almasý múmkindigin atap ótti.

Kezdesý sońynda A.Ǵınııat MSAK ále­ýe­tin iske asyrý týraly jumys qu­ja­ty, sondaı-aq onyń negizinde ja­sal­­ǵan qarar DDU Eýropa óńiri el­derine MSAK-ty ulttyq jáne óńir­lik deńgeılerde kúsheıtýdi jalǵas­ty­rýǵa kómektesetinine senim bildirdi. Qazaq­stan atynan Densaýlyq saqtaý vıse-mı­nıstri kezdesýdiń barlyq qatysýshysyn osy taqyrypta dıalogti jalǵastyrýǵa jáne sáýir aıynyń sońynda TMD-ǵa qatysýshy memleketterdiń densaýlyq saqtaý mınıstrleri keńesine, sondaı-aq bıyl maýsym aıynyń basynda Dúnıe­júzilik densaýlyq saqtaý assam­bleıa­synyń 74-shi sessııasy sheńberinde saıd ıventke qatysýǵa shaqyrdy.