Qoǵam • 09 Sáýir, 2021

Zeınetaqyǵa ústemeaqy qosylatyny ras pa?

507 ret kórsetildi

Eńbek jáne halyqty áleýmettik qorǵaý mınıstrligi zeınetaqyǵa ústemeaqy tólenetini týraly aqparatty joqqa shyǵardy, dep habarlaıdy Egemen.kz stopfake.kz saıtyna silteme jasap.

Qazaqstandyqtar mamyr aıynda barlyq zeınetkerler zeınetaqyǵa 40 myń teńge mólsherinde ústemeaqy alatyny týraly habarlamany taratýda. Tıisti jarlyqqa Prezıdent Qasym-Jomart Toqaev qol qoıǵan eken. Bul feık. Eńbek jáne halyqty áleýmettik qorǵaý mınıstrligi bul aqparatty joqqa shyǵardy.

«Messendjerler men áleýmettik jelilerde mamyr aıynan bastap zeınetaqylarǵa 40 myń teńge mólsherinde jańadan ústemeaqy tólenetini týraly taralyp jatqan aqparat shyndyqqa janaspaıdy. Qoldanystaǵy zańnamada zeınetaqylarǵa ústemeaqy men qosymsha aqy tóleý qarastyrylmaǵan. Qazirgi kezde zeınetaqy úsh bólikten turady: bazalyq, ortaq jáne jınaqtaýshy zeınetaqy», dep túsindirdi vedomstvoda.

Búginde zeınetkerlik jasqa tolǵan qazaqstandyqtardyń mynadaı tólemderge quqyǵy bar:
– zeınetaqy júıesine qatysý ótiline baılanysty (1998 jylǵa deıin de, osy kúnnen keıin de) zeınetaqy jasyna jetken barlyq adamdarǵa eń tómengi kúnkóris deńgeıiniń 54%-dan 100% deıingi mólsherde beriletin bazalyq zeınetaqy tólemi);
– 1998 jylǵy 1 qańtardaǵy jaǵdaı boıynsha keminde 6 aı eńbek ótili bolǵan kezde yntymaqty zeınetaqy (mólsheri eńbek ótiline jáne zeınetaqy aldyndaǵy kezeńdegi ortasha aılyq tabysyna baılanysty);
– qalyptastyrylǵan zeınetaqy jınaqtary esebinen Biryńǵaı jınaqtaýshy zeınetaqy qorynan tólenetin zeınetaqy tólemderi (olar taýsylǵanǵa deıin).
Qazaqstan Respýblıkasy Prezıdentiniń 2014 jylǵy 18 maýsymdaǵy Jarlyǵymen bekitilgen Qazaqstan Respýblıkasynyń zeınetaqy júıesin odan ári jańǵyrtýdyń 2030 jylǵa deıingi tujyrymdamasyna sáıkes yntymaqty zeınetaqylardyń mólsherin qolaıly deńgeıde ustap turý úshin olardyń mólsheri ınflıasııa deńgeıinen eki paıyzǵa oza otyryp, jyl saıyn ındeksteledi. Bazalyq zeınetaqy mólsheri de jyl saıyn ınflıasııa deńgeıine kóteriledi.

2020 jylǵy 1 qańtardan bastap yntymaqty zeınetaqylar 7%-ǵa ósti, 1 sáýirden bastap qosymsha taǵy 5%-ǵa ındeksteldi, bul jıyntyǵynda 2019 jylmen salystyrǵanda yntymaqty zeınetaqynyń 12%-ǵa ósýin qamtamasyz etti. Sondaı-aq bazalyq zeınetaqy mólsheri de eki ret kóterildi. Onyń ósimi 2019 jylmen salystyrǵanda 10%-dy qurady.

2021 jyldyń basynan beri yntymaqty zeınetaqy 7%-ǵa, bazalyq zeınetaqy 5%-ǵa ósti.

Mınıstrlik feık habarlamalarǵa nazar aýdarmaýǵa jáne tek resmı derekkózderden alynǵan aqparatqa ǵana senýge shaqyrady.

Sondaı-aq vedomstvo jalǵan aqparat taratý zań boıynsha jazalanatynyn eske saldy.

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar