Álem • 11 Sáýir, 2021

183 halyqaralyq baıqaýshy Qyrǵyzstandaǵy referendýmdy baqylaıtyn bolady

7 ret kórsetildi

Aldyńǵy aqparattarymyzda habarlaǵanymyzdaı, Qyrǵyz Respýblıkasynda búgin, 11 sáýir kúni saǵat 08.00-de jergilikti keneshterge saılaý jáne jańa Konstıtýsııa jobasy boıynsha referendým ótip jatyr, dep habarlaıdy Egemen.kz Kabar agenttigine silteme jasap.

Ortalyq saılaý komıssııasynyń tóraǵasy Nurjan Shaldaıbekova málim etkendeı, el boıynsha barlyǵy 2 483 saılaý ýchaskesi ashyldy. Jergilikti keneshterge saılaý 448 qala men aýylda qurylǵan 2273 daýys berý pýnktinde ótedi.

«28 qalalyq keneshke 59 partııa tirkelgen. 796 orynǵa 11 782 kandıdat úmitti. Ortasha, 1 orynǵa 59 partııadan kelip otyr. 420 aýyldyq kenesh depýtattyǵyna 18 772 adam úmitti. Bir 1 orynǵa ortasha 2,5 adamnan keledi», dedi ol.

Barlyǵy jergilikti keneshter saılaýyna 3 mln 318 myń 130 elektorat tirkelgen.

Al referendýmǵa – 3 mln 606 myń 201. Sonymen qatar saılaý barysyn 183 halyqaralyq baıqaýshy jáne Qyrǵyzstannyń 11 qoǵamdyq uıymy baqylaıtyn bolady.

Aqparatty sheteldik jáne jergilikti 179 BAQ taratady. Qyrǵyzstan azamattaryna túrli tústegi eki blank, sondaı-aq jegilikti kenesh saılaýyna jáne referendýmǵa qatysý úshin bıometrııalyq sáıkestendirýden ótýge arnalǵan eki chek beriletin bolady.

Jogorký Kenesh depýtattary «Qyrǵyz Respýblıkasynyń Konstıtýsııasy týraly» Zań jobasy boıynsha referendým (búkilhalyqtyq daýys berý) taǵaıyndaý týraly» zań jobasyn maquldap, referendýmdy bıylǵy 11 sáýirge belgilegenin buǵan deıin jazǵan bolatynbyz. Jańa Konstıtýsııa jobasyndaǵy basty aıyrmashylyq – prezıdenttik basqarý nysanyna kóshý.

Sondaı-aq depýtattar sanyn 120-dan 90-ǵa deıin qysqartý usynylyp otyr.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar