Ulttyq bank tóraǵasy Erbolat Dosaevtyń aıtýynsha, naýryz aıynyń sońynda Ulttyq qordyń aktıvteri bir aıda 523 mıllıon AQSh dollaryna azaıyp, 57,1 mıllıard AQSh dollaryn qurady.
«Naýryzda maqsatty jáne kepildendirilgen transfertterdi bólý úshin 322 mıllıard teńgege nemese 765 mıllıon AQSh dollaryna 695 mıllıon AQSh dollary satyldy. Naýryzda Ulttyq qorǵa túsimder nebári 65 mıllıard teńgeni qurady, onyń ishinde 100,6 mıllıon dollar sheteldik valıýtada nemese 42,7 mıllıard teńge balamasynda. Ulttyq qordyń bir aıdaǵy oń ınvestısııalyq kirisi 72 mıllıon AQSh dollaryn nemese 0,13% qurady. Sonymen birge, 1 toqsanda ınvestısııalyq kiris - 182 mıllıon AQSh dollaryn qurady », dep atap ótti ol.
Sonymen qatar, UB tóraǵasynyń aıtýynsha, altyn-valıýta rezervteri naýryz aıynda 1,13 mıllıard dollarǵa tómendep, 33,54 mıllıard dollarǵa jetti.
«Altyn joǵary qubylmalylyqty kórsetip otyr, sáýirdiń basynan bastap baǵa bir ýnsııa úshin 1744 dollarǵa nemese 3,5% -ǵa deıin ósti, bul altyn portfeliniń 756 mln dollarǵa qalpyna kelýin qamtamasyz etti. Aǵymdaǵy jyldyń naýryz aıynda erkin aıyrbastalatyn valıýtadaǵy aktıvterdiń tómendeýi 317 mln AQSh dollaryn qurady. Memlekettik qaryzdy óteýge 72 mıllıon AQSh dollary jumsaldy. Nátıjesinde osy jyldyń naýryzyndaǵy jalpy halyqaralyq rezervter 90,64 mlrd AQSh dollaryn qurady», dep túıindedi E.Dosaev.
