Qoǵam • 13 Sáýir, 2021

Elordada koronavırýsqa qarsy jappaı vaksınasııa qalaı júrip jatyr

64 ret kórsetildi

Elorda turǵyndaryn koronavırýsqa qarsy jappaı vaksınasııalaý júrip jatyr. Jas shekteýleri men medısınalyq kórsetkishterin eskergende 600 myńnan astam qala turǵyny vaksınalaýǵa jatady, dep habarlaıdy Egemen.kz Nur-Sultan ákimdiginiń resmı saıtyna silteme jasap.

Vaksınasııa qalanyń AMSK uıymdarynda aldyn ala jazylý boıynsha júrgiziledi (uıymdardyń tizimi qalanyń QDS saıtynda kórsetilgen https://uoz.astana.kz/ru/vakcinaciya_dlya_gorozhan/) jáne «Mega Silk Way» SOO-da jasalady. Demalys kúnderi qalanyń iri saýda ortalyǵynda synaq rejıminde dozanyń birinshi komponentin onyń qyzmetkerleri, ıaǵnı býtıkti jalǵa alýshylar, satýshylar jáne ortalyqtyń qyzmetkerleri aldy. Onyń barysynda 200-den astam adam qamtyldy.

«Tańerteńnen bastap qala turǵyndary vaksınasııaǵa daıyn boldy. Aldyn ala jazylyp, shaqyrýdy kútińiz. Biz jurttyń óz densaýlyǵyna jáne ózgelerge jaýapkershilikpen qaraıtynyna qýanamyz. Profılaktıkaǵa asa mán berilý kerek», dep atap ótti tıis basqarma.

Sondaı-aq basqarmada AMSK jáne SOO-da ekpeni tek elorda turǵyndary ǵana emes, óńirlerdiń turǵyndary da ala alatynyn atap ótti. Basqa qalanyń turǵyny elordada ekpe alyp, 21 kúnnen keıin óz qalasynda/oblysynda ekinshi dozasyn qabyldaı alady.

«Basqarma qoımalarynda vaksına qory jetkilikti. Jańa partııa SK Farmasııa (Densaýlyq saqtaý mınıstrligi) tártibine sáıkes apta saıyn kelip túsedi», dep habarlady vedomstvo.

Esterińizge sala keteıik, elorda ákimi Altaı Kólginovtiń tapsyrmasy boıynsha egý pýnkteriniń sany 36-dan 100-ge deıin ulǵaıtyldy. Jumys kestesi saǵat 08:00-den 00:00-ge deıin uzartyldy. Vaksınany aldyn ala jazylý boıynsha egov mobıldik qosymshasy nemese emhanalardyń call-ortalyqtaryna qońyraý shalý arqyly alýǵa bolady.

Búgingi tańda koronavırýs ınfeksııasyna qarsy 30 myńǵa jýyq adam ekpe qabyldady.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar