41 jastaǵy Edýard Sýlakov asa qatygezdikpen eki adam óltirgeni úshin kolonııada 20 jyl ótkizip, 2020 jyldyń mamyr aıynda ǵana bosatylǵan edi. Alaıda bul áreketinen sabaq almaǵan ol byltyr tamyz aıynda taǵy da qonaqta bolyp, úı ıelerimen birge alkogoldik ishimdik ishken.
Ishimdiktiń sońy janjalǵa ulasyp, Sýlakov úı ıesin keýdesinen pyshaqpen birneshe ret suqqylaǵan. Bısendın alǵan jaraqattarynyń saldarynan, oqıǵa ornynda til tartpastan qaıtys boldy. Muny kórgen Bısendınniń áıelin basqa bólmege alyp ketip, zábir kórsetken. Artynsha áıeldiń de moınyn birneshe ret pyshyqpan tilip tastaǵan.
Rýdnyıda erli-zaıyptynyń ómirin qıǵan er adamdy izdestirýde arnaıy jedel tergeý toby jumys istedi. Kúdikti eki kún boıy izdestirilip, 20 tamyzda jedel qyzmetkerlerden jasyrynýǵa tyrysyp, olarǵa qarsylyq kórsetkenine qaramastan qamaýǵa alyndy.
Sot úkimi boıynsha qansher Bısendın men onyń áıeli Chernyshty óltirgeni úshin ómir boıy bas bostandyǵynan aıyryldy. Endi ol aldaǵy ómirin jedel qaýipsizdik kolonııasynda óteıtin bolady.
Rabıǵa MURAT
