Bıznes qaı bankke kóbirek senim artady?

Zańdy tulǵalar depozıti bo­ıynsha tek úsh qarjy ınstıtýty ǵana – ForteBank, Eýrazııalyq bank jáne SıtıBank aılyq dınamıkada ósim kórsetken. Alaıda úsh aı qorytyndysy boıynsha mınýs kórsetkishke ıe. Aı saıynǵy jáne úsh aıdaǵy ósim boıynsha kóshbasshylyq tiz­gin ForteBank qolynda tur. Port­feldi 154,5 mlrd teń­gege ósirip, tuńǵysh ret 1 trln teńgelik mejeden asyp túsken. Bul banktiń jaqynda Global Finance nusqasy boıynsha «Qazaqstan úzdik banki» atalymyn jeńip alýy da onyń otandyq bıznestegi or­nyn nyqtaı túsken sekildi. Naý­ryz aıyndaǵy quldyraý sátinde banktiń iskerlik belsen­diligi korporatıvtik salym boıyn­sha 72,9 mlrd teńge ósim kór­setti. Sonymen qatar ósim boıyn­sha alǵashqy úshtikte korpo­ra­tıv­tik depozıt mólsheri 536,5 mlrd teńgege jetken «Bank SentrKredıt» (+ 29,5 mlrd teń­ge) jáne 212,8 mlrd teńgege jet­ken VTB Bank (+ 27,4 mlrd teńge) bar.

Ázirge ForteBank eldegi úz­­dik qarjy ınstıtýty bolyp qala berýde. 2018 jyldan beri úzdik bank ataǵyn esh­kim­ge bergen joq. Byltyrǵy aktıvter sapasyn baǵalaý AQR nátıjesi de banktiń senimdiligin dáleldedi. Dál qazirgi sátte qarjy ınstıtýtynyń 20 fılıaly men 100-ge jýyq bólimshesi jumys isteıdi.

Finprom.kz málimeti boıynsha, zańdy tulǵalar jınaq­ta­­ǵan 10 trln teńge eldegi búkil de­po­zıttiń teń jartysyn quraı­dy. Iаǵnı pandemııanyń aýyr soqqysyna qaramastan, naryq­taǵy belsendi oıynshylar óz oryndaryn jáne tabystaryn saqtap qala alǵan dep paıym­daýǵa negiz bar. Resmı statıstıka boıynsha Qazaqstan aýmaǵynda belsendi qyzmet qylatyn 168,5 myń kompanııa bar.

Naýryz aıyndaǵy jaǵdaı boıynsha el aýmaǵynda jalpy sany 463 myń kásiporyn tir­kelgen. Bul 2020 jylmen sa­lys­tyrǵanda 3 paıyzǵa kóp. Onyń 335,2 myńy qyzmetin toq­tatpaǵan. Taǵy 46,3 myń kompanııa naryqqa jańadan kelgen.