“METROGRÝPP” MÁDENI DEMALYSTY DA UMYTPASA

Jaqynda Jambyl oblysynyń ákimi Qanat Bozymbaev “Metro­Grýpp” kompanııasynyń ókilderin qabyldady. Eki tarap Taraz qala­sy­nan iri saýda ortalyǵynyń qu­ry­­lysyn salý múmkindikterin talqylady. Baspasóz málimeti boıynsha, saýda ortalyǵynyń qurylysyna jumsalatyn qarjynyń kólemi  15 mıllıon eýrony quraıdy. Árbir keshenniń saýda alańy 11 myń shar­shy metr bolmaq. Bolashaqta onda azyq-túlik jáne ónerkásip taýar­la­rynyń 25 myńǵa tarta túri ótke­rile­di. Búginde osy alyp qu­ry­lys keshenine yńǵaıly jer qaras­ty­rylý­da. Taraz qalasynda buryn “Gross”, “Metronom”, “Smal” cııaq­ty úlken ámbebap dúkender shoǵyry bar bolatyn. Bulardyń qataryn endi “MetroGrýpptyń” saý­da ortalyǵy tolyqtyra tússe artyq etpeıdi. Halyq tańdaǵanyna barady. Sol halyqty ózderiniń saýda sórelerine qaraı tartý úshin olardyń menedjerleri de taýar­la­ryn arzandata bastaıdy. Bir sóz­ben aıtqanda – ıgilikti is. Biraq... Oıdy oı qozǵaıdy degendeı, ta­rap­tardyń osy jaqsy bastama­sy­nyń bas-aıaǵyna jiti kóz ji­be­rip, jan-jaqty oılanatyn bolsaq, ta­raz­dyqtar atynan qosatyn usy­nystar da suranyp turǵandaı. Shynyn aıtý kerek, Taraz qa­lasy  Almaty men Shymkent qala­la­ry sııaqty iri megapolısterdiń sońǵy jyldardaǵy ekonomıkalyq jáne mádenı turǵydaǵy damý qar­qynyna ilese almaı, kórer kózge qa­rabaıyrlaý kórine bastady. Oblys ákimi Q. Bozymbaev osy ol­qylyqtardyń ornyn az ýaqyttyń ishinde qalpyna keltirmekshi. Jo­ǵaryda aıtylǵan “MetroGrýp­p­tyń” Tarazǵa qomaqty qarjymen ke­lýin de osy maqsattaǵy basta­ma­nyń biri dep sanap otyrmyz. Sonymen... Aıtaıyn degenimiz, bolashaqta qolǵa alynbaq osy iri saýda ke­she­ni­niń ishinen nege mádenı jáne kó­ńil kóterý ortalyǵyn da ashpasqa? Ondaı úlken ortalyqtar, mysaly, Astanany aıtpaǵanda, Ta­raz qala­synyń qos qaptalyndaǵy Almaty men Shymkent qalalaryn­da da bar. Osy shaharlarǵa joly­myz túskende kishkentaılarymyzdy “Megaortalyq” dep atalatyn sol tańǵajaıyp dýmandy oryndarǵa aparyp, kóńilderin kóteremiz. Adam  kúndelikti tutynatyn taýar­larmen ǵana ómir súrmeıdi. Tamaǵy toq, kóılegi kók jan rýha­nı qajettiligin zamana talap­ta­ry­na saı ótegisi keledi. Ol úshin alys-jaqynda bar mádenı oryn­dar­dy ańsap, izdeı bastaıdy. Al bizdiń elimiz, qudaıǵa shúkir, “ora­za-namaz toq­tyqta” deıtin kezeń­nen, álde­qashan ótip ketti. Daǵ­da­rysqa da anaý aıtqandaı daýryǵa qoımadyq. Endeshe “saýda-saýda” deı bermeı, sol saýdany qyz­dy­ra­tyn orta­lyq­tardyń ishinen saý­da jasaı júrip bir mezgil otba­symen demalyp, kóńil kóteretin oryndar jasaýdy da esten shyǵar­maǵan abzal shyǵar. Mysaly, biz baryp kórip júrgen megaorta­lyq­tardyń ishinde saýda dúńgirshek­terinen bólek, shaǵyn muz aıdyny, shaǵyn kınoteatr, boý­lıng, kafe­ler men kafeterııler, neshe túrli átkenshekter deısiz be, áıteýir, balalar túgili eresekterdi de eliktiretin qyzyqtardyń bári qarastyrylǵan. Bizdińshe, bul usynysty oblys ákimdigi qýana qoldasa kerek. Al oblys, qala basshylary qoldap, “osy jaǵyn da eskerý kerek eken” dese, berisi Azııa, arysy Eýropa­da­ǵy saýda ortalyqtarynyń kóshbas­shy­larynyń birinen sanalatyn “MetroGrýpp” úshin túk te emes dep oılaımyz. Bul, ári, jańa saýda or­talyǵyn basqalardan erekshelen­di­rip, qala turǵyndaryn ózine baý­raý­da da úlken ról atqarar edi. Kósemáli SÁTTIBAIULY. Jambyl oblysy.