Qoǵam • 15 Sáýir, 2021

Zeınetkerdi qatygezdikpen óltirgen jigit sottaldy

226 ret kórsetildi

Shymkentte zeınetkerdi qatygezdikpen óltirgen 19 jastaǵy jigit 13 jylǵa bas bostandyǵynan aıyryldy, dep habarlaıdy Egemen.kz Shymkent mamandandyrylǵan aýdanaralyq qylmystyq sot úkimine silteme jasap.

2020 jyldyń 7 qarashasy kúni sottalýshy óz atasynyń «Qaınar Bulaq» saıajaı massıvinde qonaqta bolǵan. Onda ol atasynyń dosymen birge ishimdik ishken. Bul ýaqytta onyń atasy óz jumystarymen syrtta bolǵan. Osy ýaqytta jigit pen zeınetkerdiń arasynda kıkiljiń týyp, olar máseleni sheshý úshin bos turǵan saıajaıǵa ketken.

Jas jigit zeınetkerdi ábden soqqyǵa jyǵady. Keıinirek áli quryǵan qarııany atasynyń saıajaıyna ákelip, jýyndyryp, ústelge otyrǵyzady. Ekeýi taǵy da ishimdik iship, qaıta janjaldasady. Bul joly jas jigit qarııanyń tamaǵyn bótelke synyǵymen kesip jiberedi. Onyń qaıtys bolǵanyna kózi jetken soń, marqumdy óziniń mobıldi telefonyna vıdeoǵa túsirip, ony súıiktisine jiberedi.

Munymen qoımaı,  qarııanyń qaltasyn aqtaryp, uıaly telefony men 60 myń teńgesin urlap alady. О́z atasy qaıta oralǵanda jigit bótelkelesin baýyzdap tastaǵanyn aıtyp, qalaǵa qaıtyp ketedi.

Sot jigitti Qylmystyq kodekstiń 99 - baby (Kisi óltirý), 106- baby (Densaýlyqqa aýyr zııan keltirý) jáne 188- baby (Urlyq) boıynsha kináli dep taýyp, 13 jylǵa bas bostandyǵynan aıyrdy. Jazasyn qatań rejımdegi kolonııada óteıdi. 

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar