Elbasy • 15 Sáýir, 2021

Elbasy Lýkashenkomen telefon arqyly sóılesti

29 ret kórsetildi

Qazaqstannyń Tuńǵysh Prezıdenti Nursultan Nazarbaev Belarýs Respýblıkasynyń Prezıdenti Aleksandr Lýkashenkomen telefon arqyly sóılesti, dep habarlaıdy Egemen.kz Elbasynyń baspasóz qyzmetine silteme jasap.

Nursultan Nazarbaev pen Aleksandr Lýkashenko dástúrli dostyq pen ózara túsinistikke negizdelgen Qazaqstan-Belarýs yntymaqtastyǵynyń damý qarqynyna joǵary baǵa berdi.

Taraptar ár túrli deńgeıdegi ózara saparlardyń jáne birlesken kelisimderdi júzege asyrýdyń arqasynda ekijaqty saýda aınalymy kólemin jylyna 1 mıllıard AQSh dollaryna deıin arttyrý boıynsha qarqyndy jumys júrgizilip jatqanyn aıtty.

Nursultan Nazarbaev pen Aleksandr Lýkashenko Qazaqstan men Belarýs úkimetteriniń koronavırýs pandemııasyn eńserýge baǵyttalǵan sharalary týraly pikir almasty.

Elbasy men Belarýs Prezıdenti eki el arasyndaǵy, sonyń ishinde Eýrazııa ekonomıkalyq odaǵy aıasyndaǵy qarym-qatynastar odan ári nyǵaıatynyna ózara senim bildirdi. Sońynda taraptar óńirlik jáne halyqaralyq kún tártibindegi keıbir máselelerdi talqylady.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar