Jıynǵa qatysqan oblys ákimdikteriniń, Azamattyq avıasııa komıtetiniń, Qazaqstannyń avıasııalyq ákimshiliginiń ókilderi jáne áýejaılardyń basshylary Shymkent, Oral, О́skemen, Úrjar jáne Úsharal qalalaryndaǵy ınfraqurylymdyq jobalardyń iske asyrylý barysyn talqylady. Sondaı-aq, Túrkistan qalasy áýejaıynyń baǵyttyq jelisin ulǵaıtý jónindegi aldaǵy josparlar qaraldy.
Jobalar ınfraqurylymdy damytýdyń 2020-2025 jyldarǵa arnalǵan "Nurly jol" memlekettik baǵdarlamasy sheńberinde iske asyrylýda.
Mınıstr Azamattyq avıasııa komıtetine jáne jergilikti atqarýshy organdarǵa ınfraqurylymdyq jobalardy ýaqtyly aıaqtaý jáne qaıta qurý kezinde áýejaılardyń úzdiksiz jumys isteýin qamtamasyz etý boıynsha tapsyrmalar berdi.
Jazǵy kezeńde О́skemen jáne Úrjar qalalary áýejaılarynyń kúrdeli jóndeýge jabylýyna baılanysty mınıstr Alakól jaǵalaýyna kóliktermen jetýde qoljetimdilikti, onyń ishinde avtobýs jáne temirjolmen tasymaldaý syıymdylyǵyn ulǵaıtý esebinen qamtamasyz etýdi tapsyrdy.
Anyqtama úshin:
Shymkent áýejaıy
Shymkent qalasynyń áýejaıynda
SKAT áýe kompanııasy jańa jolaýshylar termınalynyń qurylysy jalǵastyryp jatyr. Ony iske asyrýǵa jeke ınvestor 8,9 mlrd. teńge jumsady. Zamanaýı jabdyqtar (lıftiler, eskalatorlar, teleskopııalyq traptar, júk taspalary jáne t.b.) satyp alyndy. Jobany iske asyrý IATA halyqaralyq standarttaryna jaýap beretin qazirgi zamanǵa saı termınalda jolaýshylarǵa qyzmet kórsetýge, sondaı-aq óńirdiń tranzıttik áleýetin iske asyrýǵa múmkindik beredi.
Anyqtama: jańa jolaýshylar termınalynyń parametrleri: aýdany – 30 000 sh.m; ótkizý qabileti – saǵatyna 2 000 jolaýshy. Investısııanyń jalpy somasy - 12 mlrd teńge.
Shymkent qalasynyń ákimdigine múddeli memlekettik organdarmen jáne jeke ınvestormen birlesip, jyl sońyna deıin jańa termınaldy paıdalanýǵa berýdi qamtamasyz etý tapsyryldy.
Qazaqstannyń avıasııalyq ákimshiligi Shymkent qalasy áýejaıynyń ushý-qoný jolaǵynyń jaı-kúıine jáne jóndeý júrgizýdi qajet tetetin problemalaryn atap ótti. Mınıstr ushýlardy toqtatpaı, aǵymdaǵy jóndeý júrgizýdi tapsyrdy.
Oral áýejaıy
Bıyl Oral qalasy áýejaıynyń aerovokzal keshenin rekonstrýksııalaý aıaqtalady dep kútilýde. Jobany iske asyrý jeke ınvestısııalar esebinen júzege asyrylady. Qaıta jańartýdan keıin aerovokzaldyń aýdany men áýejaıdyń ótkizý qabileti eki eseden astam ulǵaıady.
Keńes barysynda áýejaıda jolaýshylarǵa qyzmet kórsetý deńgeıiniń problemalyq máseleleri, atap aıtqanda, kóshede júk berý máseleleri talqylandy.
Jobany ýaqytyly aıaqtaý úshin jergilikti bıliktiń Oral qalasy áýejaıy ákimshiligimen ózara tyǵyz is-qımyl jasaý qajettigi atap ótildi.
(Termınal alańyn keńeıtý – 4000-nan 10 000 m2-ge deıin, ótkizý qabileti-saǵatyna 400 jolaýshy, quny - 6,6 mlrd teńge.)
О́skemen qalasy jáne Úrjar áýejaılary
Shyǵys Qazaqstan oblysynda bir mezgilde О́skemen jáne Úrjar qalalarynyń áýejaılarynda ushý-qoný jolaqtaryn rekonstrýksııalaý boıynsha 2 joba iske asyrylýda.
О́skemen qalasynyń áýejaıynda 2 500-den 2 800 m-ge deıin uzartylatyn JUQJ-ny rekonstrýksııalaý, róldeý joldary, perron, jaryq sıgnaldyq jabdyq ornatý jáne t. b.qaıta jańartýdan keıin áýejaı otandyq jáne sheteldik áýe kompanııalary paıdalanatyn B767, 737, 757, A-320, A-321 áýe kemelerin qabyldaı alady.
Úrjar áýejaıyn qaıta jańartý Alakól jaǵalaýyna áýe kóligimen qoljetimdilikti qamtamasyz etýge baǵyttalǵan. Jobada uzyndyǵy 1 500-den 2 100 m-ge deıin JUQJ, róldeý jolyn, perrondy qaıta jańartý, jaryq sıgnaldyq jabdyqty, perımetrlik qorshaýdy ornatý jáne t. b. kózdelgen.
Qaıta jańartýdan keıin áýeaılaq Embraer 190, BombardierQ-400, CRJ-200 zamanaýı reaktıvti jáne týrbovıntti ÁK qabyldaı alady. Bul jazǵy maýsymda Alakól kóliniń jaǵalaýyndaǵy áýe kóligimen týrıster aǵynyn ulǵaıtýǵa múmkindik beredi.
Úsharal áýejaıy
Qarajat bólingen jaǵdaıda ishki týrızmdi damytýǵa baǵyttalǵan Úsharal qalasy áýejaıynyń ushý-qoný jolaǵyn qaıta jańartýdy bastaý josparlanýda.
Jobany iske asyrý Úsharal áýejaıyna A-320, B757, 737, CRJ 200, Embraer 190, BombardierQ-400 áýe kemeleriniń zamanaýı túrlerin qabyldaýǵa múmkindik beretin UQJ uzartýdy kózdeıdi.
Túrkistan qalasynyń áýejaıy
Zamanaýı ınfraqurylymnyń arqasynda Túrkistan qalasynyń áýejaıy ishki jáne halyqaralyq reısterdi ulǵaıtýda.
Qazirgi ýaqytta aptasyna 6 ret Nur-Sultan qalasyna (19 sáýirden bastap - kún saıyn), 4 reıs - Almatyǵa, aptasyna 2 ret - Ystambul jáne Atyraý qalalaryna áýe reısteri oryndalady. 2020 jylǵy 1 jeltoqsannan bastap áýejaıdan 28 myńnan astam jolaýshy tasymaldandy.
Mınıstrlik Tashkent (О́zbekstan), Bishkek (Qyrǵyzstan) qalalaryna halyqaralyq reısterdi, sondaı-aq respýblıka ishindegi (Aqtaý, Aqtóbe, Oral, Kókshetaý, Qostanaı, О́skemen, Qaraǵandy jáne t.b.) reısterdi ashý máselesin pysyqtaýda.
