Ekonomıkalyq yntymaqtastyq jáne damý uıymy sarapshylarynyń málimeti boıynsha sońǵy bir jylda álemniń 60 prosent elinde bul ózekti máselege aınaldy.
Jahandy jaılaǵan jumyssyzdyq, aýrýdan qorqý, adamdardyń jaqyndarynan aıyrylýy men májbúrli oqshaýlaný halyqtyń psıhıkalyq jaǵdaıynyń kúrt nasharlaýyna ákelip soqqan. Máselen, zertteýlerge sáıkes, AQSh pen Ulybrıtanııada depressııaǵa ushyraǵandardyń qatary 3 esege kóbeıse, Ońtústik Koreıa turǵyndarynyń teń jartysynda júıke júıesiniń syr berýi baıqalǵan.
Ǵalymdardyń aıtýynsha, jaǵymsyz psıhologııalyq jaǵdaılarǵa tap bolǵandardyń arasynda qarjy qyspaǵynda qalǵandar, jastar men áıelder kóp. Endi sarapshylar álem elderin psıhıkalyq densaýlyq máselesine basa nazar aýdarýǵa shaqyrady. Al dárigerler sportpen shuǵyldanyp, áleýmettik qarym-qatynasty jaqsartýǵa keńes beredi.
Mamandardyń aıtýynsha, depressııalyq aýrýlardy emdeý uzaq ýaqytty qajet etedi.
- Eń qıyny, naýqastardyń sharasyz kúıde bolǵany. Tipti Ulybrıtanııadaǵy dárigerlerdiń 50 prosentiniń kúızeliske ushyraǵany baıqaldy. Ár besinshi naýqasta bul dıagnoz klınıkalyq dáleldengen. Mundaı dertke shaldyqqan adamdar áli kúnge deıin tolyq saýyǵa almaı otyr, - deıdi dáriger Reıchel Klark.
