Oqıǵa • 19 Sáýir, 2021

Tasqynǵa qarsy ázirlik oıdaǵydaı

13 ret kórsetildi

Soltústik Qazaqstannyń sý qoımalaryndaǵy sý deńgeıi sońǵy kezderi qatty kóterilip keledi. Keshe Sergeev sý qoımasyndaǵy platınadan sý 119 santımetrge kóterilgen. Al sýdyń jalpy kólemi boljam bo­ıynsha 840 mln tekshe metrdeı bolyp otyr. Aldynda, bir táýlik qana buryn osy qoımadaǵy sýdyń deńgeıi 50 sm tóńireginde edi. Mundaǵy sý deńgeıiniń eń joǵary kóterilgeni 2017 jyly 336 sm kórsetken. Al Petropavlda Esildiń deńgeıi Sergeevkaǵa qaraǵanda kóp tómen. Sonymen qatar Imanburlyq, Aqanburlyq, Qamysaqty, Shaǵalaly sııaqty shaǵyn ózenderdiń de sý deńgeıi turaqty, keıbireýinde tipti tómen túsý baıqalýda.

Qazir oblystyq TJD qyzmetker­leri barlyq apatqa daıyn bolý baǵytynda ózderiniń jumystaryn óristetýde. Olardyń baqylaýyna qara­ǵanda, keıbir kólderde áli de qar erı qoımaǵan. Mundaılar Esil, Tımırıazev, Shal aqyn aýdan­daryndaǵy úlken kólderde baıqa­lady. Al departament bastyǵy Ramıl Kamalov jumys saparymen ob­lystyń Ýálıhanov aýdanyna baryp, osy aýdan aýyldaryndaǵy sý tasqynyna qarsy is-sharalarmen tanysty. Bul aýdannyń turǵyndary birneshe ret sý tasqynyna tap bol­dy jáne sý tasqyny degen ne ekenin óz tájirıbesinen biledi. Son­dyqtan aýdan aýmaǵyndaǵy osy tabıǵı qubylysqa qatysty jaǵ­daı jergilikti atqarýshy organ­dardyń, departamenttiń turaq­ty baqylaýynda. R.Kamalov Quly­kól aýyldyq okrýginde Ýálı­hanov aýdanynyń ákimi Qaırat Pishen­baevpen birge Sileti ózeniniń arna­synda ornalasqan «Eki kóz», 13 terezeli «Álki» jáne 5 tere­zeli «№33» gıdrotehnıkalyq qurylys­taryn tekserdi. Sondaı-aq Qaratal aýylynyń tóńiregindegi qalpyna keltirilgen topyraq úıindilerin aralap, beriktigine kóz jetkizdi.

Jergilikti atqarýshy organdar­dyń jáne departament kúshteri men quraldarynyń jedel ázirligin tekserý sheńberinde sý tasqyny keze­ńinde tótenshe jaǵdaıdy joıý­ǵa arnalǵan tehnıkany qaraý ótki­zildi. Sapar barysynda depar­tament bastyǵy tek ýaqtyly qabyl­danǵan sharalar ǵana halyqty senim­di qorǵaýǵa, yqtımal tabıǵı jaǵ­daıdyń damýyna jol bermeýge qabi­letti ekenin atap ótti. «Eń bas­tysy, sý tasqyny qaýpin azaıtyp, aýyl­dardyń qalypty tirshiligin qamtamasyz etý», dedi Ramıl Fatkýllauly.

Aýdan ákimi Qaırat Pishenbaev ta halyqtyń sý tasqynyna qarsy kú­reske daıyn ekendigin aıtty. Olar jergilikti kúshterdi daıyn­­dyq sapyna qoıyp, TJD qyz­metker­lerimen birlesip tas­qynǵa qarsy kúreske daıyn tur eken. Qazir osy aýdanda buryn oblystan jiberilgen TJD toby jumys isteıdi, onyń quramynda jeke quramnan 15 adam, 3 birlik tehnıka, júzý jáne sý aıdaý quraldary bar. Olar ózenniń 3 gıdrotehnıkalyq qurylystaryna («Jyra», «Segizkóz», «Ekikóz») turaqty monıtorıng júrgizedi, muz keptelisiniń aldyn ala otyryp, olardy muzdan tazartady.

Jalpy, qazir oblystyń tórt aýdanynda (Ýálıhanov, Tımırıazev, Aıyrtaý jáne Ǵ.Músirepov) TJD jeke quramynan 49 adam, 10 birlik teh­nıka, júzý quraldary men moto­­pompalardan turatyn toptar jumys isteıdi. Toptyń jeke qu­ra­­myn bólý ótken jyldardyń tal­­daýyn eskere otyryp, sý tas­qyny qubylystaryna neǵurlym beıim oryndarda – Rýzaevka jáne Chıstopole aýyldaryna ja­qyn Aqan-Burlyq, Sharyq jáne Jem­baraq ózenderi, Jembaraq jáne Esil, Ǵ.Músirepov aýdanyndaǵy Toq­san bı aýyly mańynda, Aıyr­taý aýdany Konstantınovka aýyly­nyń mańyndaǵy Babyq-Bur­lyq ózenderiniń ýchaskelerinde júrgizildi. Onyń maqsaty – osy qıyn kezeńde jergilikti atqarýshy organdarǵa kómek kórsetý, eldi mekenderdi osyndaı qaýipti stıhııa­lyq qubylystyń saldarynan qor­ǵaý. Jeke quram sý tasqyny jaǵ­daıyna, sý basqan aýmaqtardan sýdy sorýǵa, ózen arnalary men muz keptelis­terin tazalaýǵa monıtorıng júrgizedi.

 

Soltústik Qazaqstan oblysy

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar