Qazaqstan • 20 Sáýir, 2021

Bıyl 480 aýyldy damytýǵa 105 mlrd teńge baǵyttalady – UEM

28 ret kórsetildi

Búgin Premer-Mınıstr Asqar Mamınniń tóraǵalyǵymen ótkizilgen Úkimet otyrysynda Ulttyq ekonomıka mınıstri Áset Erǵalıev aýyldyq aýmaqty damytý jáne «Aýyl-El besigi» jobasyn iske asyrý týraly baıandady, dep habarlaıdy Egemen.kz.

Mınıstrdiń aıtýynsha, aýyldyq jerde turatyn adamdardyń sany 7,7 mln nemese jalpy el halqynyń 41%-i. Aýyl turǵyndaryn jumyspen qamtýda aýyl sharýashylyǵynyń úlesi - 28,2%.

Mınıstrlik «Aýyl-El besigi» jobasyn iske asyrý boıynsha josparly jumys júrgizýde. Onyń maqsaty ınfraqurylymdy jańǵyrtý esebinen aýyl halqynyń ómir súrý sapasyn jaqsartý, ony jańa óńirlik standarttar parametrlerine jetkizý.

88% turǵyn ómir súretin 3,5 myń aýyl damý keleshegi bar degen eseppen iriktelip alyndy. Bular «Aýyl-El besigi» jobasy sheńberinde basymdyqqa ıe bolmaq.

«Aǵymdaǵy jyly «Aýyl – El besigi» jobasy sheńberinde 1,3 mln adam turatyn 480 aýyldy damytýǵa 105 mlrd teńge jumsaý josparlanýda. Bul kólik jáne áleýmettik ınfraqurylymdy, sondaı-aq turǵyn úı-kommýnaldyq sharýashylyǵyn damytý úshin 1 myńnan astam jobany iske asyrýǵa múmkindik beredi», dedi Á.Erǵalıev.

Ulttyq ekonomıka mınıstrligi basshysy atap ótkendeı, aýyldaǵy ınfraqurylymdyq máseleni sheshý úshin 5 jyl ishinde 800 mlrd teńge bólinedi. Bul 2025 jylǵa qaraı 3,5 myńnyń ústindegi aýyldyń 7 mln turǵynynyń ómir súrý sapasyn jaqsartýǵa múmkindik beredi.

«Aýyl halqy sýmen jabdyqtaý qyzmetine 100% qol jetkizedi. Barlyq aýyl joǵary jyldamdyqty ınternetpen qamtylady. Jergilikti mańyzy bar joldardyń 95%-i jaqsartylady. 10 myń shaqyrym kentishilik jol qaıta salynyp, jóndeledi. 24 mln sharshy metr turǵyn úı paıdalanýǵa beriledi. 110 myń jer ýchaskesi jeke turǵyn úı salý úshin qajet ınfraqurylymmen qamtamasyz etiledi. 12 myń shaqyrym ınjenerlik jeli salynyp, jańǵyrtylady. AО́K-te 845 ınvestısııalyq jobany iske asyrý arqyly aýyldarda 500 myń  jańa jumys orny ashylady»,  dedi Á.Erǵalıev.

Aýyldarda 5 myń mektep jańǵyrtylyp, jańa 315 mektep salynady. 1 719 sport jáne 748 mádenıet nysany salynyp, jańǵyrtylady. Budan basqa, 1 095 nysandy salý men jańǵyrtý aýyldyq jerdegi densaýlyq saqtaý qyzmetiniń sapasy men qoljetimdiligin arttyrady.

Sońǵy jańalyqtar

Áýezov jáne túrki álemi

Rýhanııat • Keshe

Áskerdegi álimjettik

Qoǵam • Keshe

Ideologııa

Rýhanııat • Keshe

Meıirim men qatygezdik

Rýhanııat • Keshe

Eski men jańa arasy

Rýhanııat • Keshe

Bı padıshasy

Rýhanııat • Keshe

Sapa qaıtse jaqsarady?

Qazaqstan • Keshe

Qaıyrymdylyqtyń úlgisi

Qazaqstan • Keshe

Saq dáýiriniń tasy

Tanym • Keshe

Uqsas jańalyqtar