Qoǵam • 21 Sáýir, 2021

Depýtat muǵalim men dárigerden ózge qyzmetkerdiń de jalaqysyn kóterýdi usyndy

54 ret kórsetildi

Qazaqstanda áleýmettik salanyń kómekshi jáne tehnıkalyq qyzmetkerleriniń jalaqysyn kóterý usynyldy,  dep habarlaıdy Egemen.kz Tengrinews.kz saıtyna silteme jasap. 

Mundaı saýaldy QR Parlamenti Májilisiniń depýtaty Maqsat Ramanqulov usyndy. Depýtattyń aıtýynsha, elimizde keıingi jyldary tek muǵalimder men dárigerlerdiń jalaqysyn kóterý máselesi ǵana aıtylyp keledi.

«Pandemııa kezinde «pedagog mártebesi týraly» zań qabyldanyp, dárigerlerge qosymsha tólemder engizildi. Jyl saıyn muǵalimder men dárigerlerdiń jalaqysy 20-30 paıyzǵa artyp keledi, munyń bári óte oryndy, biz rızashylyǵymyzdy bildiremiz jáne osyndaı kózqarasty árdaıym qoldaımyz. Alaıda, osy sektorlardyń qatardaǵy qyzmetkerleri, ıaǵnı sanıtarlar, assıstentter, eden jýýshylar, jedel járdem júrgizýshileri, murajaı, óner, mektep, balabaqsha, kitaphana, muraǵat salasyndaǵy ózge de qyzmetkerler olardyń áriptesteri úshin memleket jyl saıyn jalaqyny kóbeıtse, al sol salalardaǵy tehnıkalyq qyzmetkerlerdiń jalaqysy kóptegen jyl boıy ózgerissiz qalady degen shaǵymdarmen jıi júginedi», dedi ol Májilis otyrysynda.

Ramanqulovtyń sózine qaraǵanda, elimizdegi áleýmettik salanyń kómekshi jáne tehnıkalyq qyzmetkerleriniń ortasha jalaqysy 50-70 myń teńge aralyǵynda.

«Máselen, biz búgingi kúni «Rýhanı jańǵyrý» baǵdarlamasy týraly jıi aıtamyz jáne osy baǵytta asharshylyq pen qýǵyn-súrgin qurbandaryn aqtaý boıynsha jumystar jalǵasyp jatyr. Bul qyzmettegi negizgi júkteme muraǵat, murajaı jáne kitaphana qyzmetkerlerine, tarıhshylarǵa, ónertanýshylarǵa jáne basqa da mamandarǵa júkteledi. Sonymen qatar, osy saladaǵy orta býyn qyzmetkerleriniń joǵary bilimi bar qyzmetkerlerdiń ortasha jalaqysy shamamen 60 myń teńgeni quraıdy. Jedel járdem júrgizýshileriniń jalaqysy shamamen 70-75 myń teńge jáne bes jyldan asa ýaqyt boıy kóterilgen joq, mektepter men balabaqshalardyń tehnıkalyq qyzmetkerleriniń jalaqysy - shamamen 50 myń teńge»,  dedi depýtat.

Osyǵan baılanysty Ramanqulov Qazaqstanda áleýmettik salanyń kómekshi jáne tehnıkalyq qyzmetkerleriniń jalaqysyn kóterýdi Aqjol fraksııa depýttatarynyń atynan usyndy.

«Nelikten bizdiń osy saladaǵy mamandarymyz qınalýy kerek, olardyń da kóptegen problemasy bar emes pe, olar da bizdiń memleketimizdiń azamattary ǵoı?! Meniń bilýimshe, osy azamattardyń 90 paıyzynyń shaǵyn nesıeleri bar, qaryzǵa belshesinen batqan, shyǵarmashylyq týyndylaryn shyǵarýǵa qarajaty joq, Úkimet tarapynan naqty kómek te joq»,  dedi depýtat.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar