Zań boıynsha azamattyq avıasııada sertıfıkattaý, qadaǵalaý jáne baqylaýmen Indýstrııa jáne ınfraqurylymdyq damý mınıstrliginiń Azamattyq avıasııa komıteti aınalysýy kerek eken. Alaıda, bul memlekettik fýnksııalar is júzinde ishki qujattar negizinde sheteldik azamat basqaratyn «Qazaqstannyń avıasııalyq ákimshiligi» AQ kommersııalyq kompanııasyna berilgen.
«Sýyq aqylǵa salyp, máseleniń sheshimin zańdy arnaǵa baǵyttaýdy usynamyz. Azamattyq avıasııadaǵy qadaǵalaý jáne baqylaý jónindegi memlekettik fýnksııalardy Azamattyq avıasııa komıtetine qaıtarý qajet dep sanaımyz, al «Qazaqstannyń avıasııalyq ákimshiligi» AQ qurylǵandyqtan, oǵan tek sertıfıkattaý jónindegi fýnksııalardy qaldyrý nemese oǵan kommersııa sýbektisi emes, barlyq týyndaıtyn zańnamalyq saldary men jaýapkershiligi bar memlekettik organ mártebesin berý, oǵan memlekettik fýnksııalardy oryndaýdy júkteý qajet», dep atap ótti senator.
Ol óziniń depýtattyq saýalynda avıasııalyq jáne azamattyq avıasııadaǵy oqıǵalardy tekserýdi, Tótenshe jaǵdaılar mınıstrligine nemese táýelsiz halyqaralyq aımaqtyq tergeý organdaryna berýdi qarastyrý qajet ekenin aıtty.
