«Saýda-oıyn saýyq ortalyqtarynda vaksınasııalaý jumysyn uıymdastyrý jaqsy tájirıbe kórsetip otyr. Osy arqyly qala turǵyndaryn qamtý kórsetkishi artyp keledi. Alǵashqy ýaqytta turǵyndar vaksınasııadan úreılense, qazir jaǵdaı kerisinshe, jurt vaksınasııalanǵandardyń qataryn belsendi túrde tolyqtyrýda. Mysaly, «Mega Silk way»-de medısına qyzmetkerleri 2 100-den astam adamdy vaksınasııalady. Bul bir ǵana ortalyqtyń kórsetkishi», deıdi Qoǵamdyq densaýlyq saqtaý basqarmasy basshysynyń orynbasary Álııa Rústemova.
«Keruen» jáne «Abý-Dabı Plazadaǵy» jumys ýaqyty aldyńǵy eki ortalyqqa uqsas, ıaǵnı saǵat 10:00-den 22:00-ge deıin.
Halyqty vaksınasııalaýdy keńinen qamtý úshin qala ákimi Altaı Kólginovtiń tapsyrmasy boıynsha egý pýnktteriniń sany 36-dan 100-ge deıin, sondaı-aq jumys ýaqyty 08:00-den 00:00-ge deıin, SOO-larda 10:00-den 22:00-ge deıin uzartyldy.
Elordalyqtar COVID-19 vaksınasyn alýǵa belsendi túrde nıet bildirgendikten Qoǵamdyq densaýlyq saqtaý basqarmasy eńbek ujymdaryn jappaı vaksınasııalaý úshin kóshpeli brıgadalar uıymdastyrady. Túrli kásiporyndarda KVI-ǵa qarsy vaksına alǵysy keletinderdiń sany 1000 adamǵa jetedi.
Búgingi kúni qala boıynsha 75 myńǵa jýyq adam vaksınasııalandy.
