22 sáýirdegi epıdemıologııalyq jaǵdaı boıynsha COVID-19 indetinen zerthanalyq jolmen rastalǵan barlyǵy 17276 jaǵdaı tirkeldi. О́tken bir táýlik ishinde zerthanalyq jolmen koronavırýs pandemııasyn juqtyrǵan 126 jaǵdaı rastalyp otyr. Osydan-aq qaterdiń qanshalyqty qaýlap ósip kele jatqandyǵyn ańǵarýǵa bolady. Sońǵy kezde sanıtarlyq talapty buzý tym jıilep ketti. Oblys ortalyǵynda betperde taqpaı, beıqam júrgenderden kóz súrinedi.
Qaýipti indettiń asqynýyna baılanysty emhanaǵa óz erikterimen kelip tekserilgen 8743 adamnyń 6284-i indet juqtyrǵandarmen baılanysta bolǵan. Demek, bul áli de tyıyla qoımaǵan as, toı, qudalyq tárizdi eski ádettiń saldary.
Sońǵy aptada jaman tumaý juqtyrýdyń 705 jaǵdaıy tirkelip, aýrýlar sany birshama óskendigi baıqalyp otyr. Eń ókinishtisi, sońǵy bir táýlikte mektep oqýshylary arasynda 16, mektepke deıingi balalar arasynda qaýipti indettiń 3 jaǵdaıy tirkelgen.
Dert daýyly tolastar emes. О́rshýdiń sebebi ózimizge baılanysty bolyp otyrǵanyn eskermesek, belgisiz derttiń beti qaıtpaıtyn túri bar.
